Dźěłowu akciju přewjedli

Dienstag, 11. August 2020
Artikel bewerten
(0 Stimmen)
Njedawno su zamołwići Sokoła Ralbicy/Hórki wšěch hrajerjow kaž tež staršich do Ral­bičanskeho Sta­diona přećelstwa na dobrowólnu dźěłowu akciju přeprosyli. Něhdźe 20 dźěći a 15 staršich je so tuž gratu přimało a z wotstawkom na trawniku mlóče wukałało. Te wšak běchu so minjene měsacy na rjanym delanskim trawniku tak jara rozmnožili, zo dyrbjachu nuznje won. Tež na dalšich blakach sportoweho areala su dobrowólnicy njerodź torhali. Něhdźe dwě hodźinje akcija traješe. Z koł­basku a napojemi so Sokoljo pomocnikam dźakowachu. Foto: Jurij Bjeńš

Veröffentlicht in Sport
Bitte anmelden, um einen Kommentar zu posten

Anzeige