Samo kniha k narodninam

Donnerstag, 08. September 2022
Artikel bewerten
(1 Stimme)
Z najwšelakorišimi sportowymi poskitkami woswjeća tele dny w Radworju stolětne wobstaće sportoweho towarstwa. Zawčerawšim zarjadowachu na přikład wolejbulowy turněr we wjacezaměrowej hali Slavia.  Foto: Martina Hančikowa Z najwšelakorišimi sportowymi poskitkami woswjeća tele dny w Radworju stolětne wobstaće sportoweho towarstwa. Zawčerawšim zarjadowachu na přikład wolejbulowy turněr we wjacezaměrowej hali Slavia. Foto: Martina Hančikowa

Sportowe towarstwo swjeći stolětne wobstaće z wobšěrnym programom

Radwor (SN/mtw/BŠe). Radworske sportowe towarstwo woswjeći tele dny swoje stolětne wobstaće. Minjenu sobotu wotmě so swjedźenske zarjadowanje. Cyły tydźeń přewjedu wšědnje sportowe zarjadowanja. Nimo dypkowych hrow młodźiny E a C, blidotenisowych a wolejbulowych turněrow kaž tež aerobica su to dźensa a jutře sportowe swjedźenje Ra­dworskeje zakładneje a wyšeje šule. Sobotu popołdnju pak chcedźa swójbne popołdnjo wuhotować.

Hač Sokoł, Slavia abo Traktor – mjeno Radworskeho cyłka sportowcow je so w běhu 100 lět stajnje zaso změniło. Barby towarstwa módre, čerwjene a běłe pak wotbłyšćuja stawizny zjednoćenstwa. Z historiskimi pozadkami minjenych 100 lět je so Bronjan Achim Buša zašłe lěta intensiwnje zaběrał. Tak je z časowymi swědkami interviewy wjedł a za wobrazami pytał. Jeho wobšěrne dźěło je w knize zjimał. Prěnje eksemplary běchu minjenu sobotu na předań. Tak čitarjo mjez druhim zhonja, zo bu towarstwo 31. oktobra 1922 w Radworju załožene.

Veröffentlicht in Sport

Galerie

dalši wobraz (1) Na swjedźenske zarjadowanje k stolětnym wobstaću su aktiwnych akterow na přikład trenarjow jednotliwych mustwow wuznamjenili. Foto: Jakub Wowčer
Bitte anmelden, um einen Kommentar zu posten

Serbska debata

Neuheiten LND