FC Energija Choćebuz – HZ Greuther Fürth 3:4 (1:1)
FC Energija Choćebuz: Lotka – Erlein (46. Rorig), Manu, Doumbia (55. Campulka), Borgmann, Bittencourt, Michelbrink, Kinsombi (66. Butler), Boziaris (79. Bogdanov), Hannemann (46. Ciğerci), Copado
wrota: 1:0 Copado (6.), 1:1 Klaus (45.+3), 1:2 Doumbia (46./samowrota), 2:2 Ciğerci (70.), 2:3 Pohlmann (72.), 2:4 Klaus (80.), 3:4 Bogdanov (90.+4)
přihladowarjo: 13 171
Kaž tydźenja w pokalnej hrě bě to najprjedy top-wukon FC Energije Choćebuz. Hosćićeljo přeswědčichu ze swojej spěšnej kombinaciskej hru, tak zo měło poprawom jenož prašenje časa być, zo zahe wuhibki za druhe sezonowe dobyće staja. Tola kaž so pozdźišo wukopa, da so nowačk wot jeničkeje akcije přećiwnika dospołnje z koncepta přinjesć. Po foulu Kinga Manua a z toho slědowacym pokutnym kopje w přidatnym hrajnym času prěnjeho połčasa njenamaka Choćebuz po znowazahwizdanju hižo k swójskej dominancy wróćo.
