Beachvolleyballisća SGB sej slěbro wubědźili
Po wurjadnych wuslědkach volleyballistow Serbskeho gymnazija Budyšin (SGB) w hali wubědźuja so woni nětko w pěsku, a to we wobłuku wuchodosakskeho finala. W Budyskej Sprjewinej kupjeli započachu so regionalne wurisanja ze starobnej skupinu III, w kotrejž su sej beachvolleyballisća SGB slěbro wuwojowali.
Widźał, słyšał, napisał (23.05.16)
Awtor dźensa
Toni Ryćer
Što by sport był bjez zahoritych přiwisnikow? Někotryžkuli wuběrny wukon njehodźał so bjez podpěry přihladowarjow docpěć. Tež hdyž je to husto z wulkimi wudawkami zwjazane, wo trěbnym swobodnym času nochcu scyła rěčeć, jězdźa ludźo rady sta kilometry, zo bychu swojim idolam bliscy byli a jim přiwyskali. Podobnje budźe to w juniju, hdyž so Serbja do Južneho Tirola nastaja, zo bychu łužiskej koparskej mustwje pohonjeli. Wězo njeda so to přirunać z wulkimi wubědźowanjemi, kaž na přikład w zwjazkowej kopańcy abo w motorsporće, zmysł pak je samsny a na wotpowědnej euforiji njebudźe falować, toho sym sej wěsty. Nimo toho da so wulět do Italskeje zwjazać z dowolom w krasnej krajinje. Móžu to woprawdźe horco doporučić. Znaju kónčinu wokoło Puster-Garder- a Ahrntala, hdźež so europeada wotměje, z někotrych zymskich dowolow. Bohužel njemóžu sobu. Sym runje w tym času na motorsportowych wubědźowanjach w Francoskej a Němskej zasadźeny.
Wuslědki (23.05.16)
Wokrjesna koparska liga, stafla III
Arnsdorf – Marijina hwězda 1:2 (0:1)
Němske Pazlicy – Ottendorf/L. 2:4 (1:2)
Njebjelčicy – Sepicy3:2 (1:1)
Haselbachtal – Hlinowc 4:2 (3:1)
1. Ottendorf/Liegau 22 54 : 22 53
2. Frankenthal 22 66 : 31 52
3. Großnaundorf 23 66 : 31 48
4. Arnsdorf 24 58 : 27 42
5. Großröhrsdorf II 22 42 : 28 39
6. Marijina hwězda 22 67 : 44 36
7. Njebjelčicy 23 44 : 36 35
8. Haselbachtal 23 51 : 54 35
9. Sepicy 22 58 : 55 32
10. Němske Pazlicy 22 35 : 47 27
11. Hlinowc 22 32 : 56 17
12. Wóslink/Skaskow 22 27 : 60 12
13. Großharthau 22 23 : 67 12
14. Großdrebnitz 23 24 : 89 10
Wokrjesna wyša koparska liga
Kulow – Wjelećin3:2 (1:2)
Bukecy – Chrósćicy4:1 (0:0)
Hnašecy – Ćisk1:0 (0:0)
Ralbicy/Hórki – Hory1:2 (0:1)
1. Chrósćicy 30 69 : 30 69
2. Hory 29 72 : 35 56
3. Ralbicy/Hórki 29 67 : 32 52
4. Großröhrsdorf 29 73 : 52 52
5. Rakecy 29 62 : 45 51
6. Hnašecy 29 68 : 40 49
Sport (20.05.16)
Hry wo volleyballowy pokal
Regionalny zwjazk Domowiny Delnja Łužica wuhotuje sobotu, 28. meje, w Prjawozu (Fehrow) volleyballowy turněr. Hrać budźe so wo pokal župy Delnja Łužica. Turněr započnje so w 9 hodź. Přizjewjenja su hišće hač do 24. meje pod móžne.
Kolesować po putniskim puću
Kamjenski Bikehouse poskići njedźelu kolesowansku turu po putniskim puću ze Zhorjelca do Kamjenca. Čara je něhdźe 90 km dołha. Wo ćělne derjeměće ma so kóždy sam starać. Start budźe we 8 hodź. w Zhorjelcu. Štóž chce, móže w 7 hodź. z Kamjenca z transporterom sobu jěć.
Koparske dypkowe hry
21.05. 14:00 Budissa – Berlinski AK
21.05. 15:00 Bukecy – Chrósćicy
21.05. 15:00 Arnsdorf – Marijina hwězda
22.05. 15:00 Radwor – HZ Budestecy
22.05. 15:00 Njebjelčicy – Sepicy
22.05. 15:00 Ralbicy – Hory
Parkowe běhi
31. Hušćanske parkowe běhi wotměja so jutře, 21. meje, a to w 16 hodź. Atleća wubědźuja so na distancach 1 km/2 km/7,3 km a 14,6 km.
Posledni volleyballowy turněr
Dobry skutk znjewužiwali
Sokoł Ralbicy/Hórki II
– ST Ćisk II 2:4 (0:2)
Zestawa domjacych: Cyž – Materna, M. Matka, Brězan (65. Serbin), Młynk, Čornak, Šołta, Krawc (46. Šrajer), J. Matka, Šmit
Poprawom měješe so tale koparska hra 1. meje wotměć, tón dźeń pak přewjeduja w Ćisku turněr firmow. Próstwje, hru na swjatki přepołožić, je Sokoł Ralbicy/Hórki wotpowědował. To pak njebě najskerje najlěpši rozsud. Prěnje mustwo měješe wězo swobodne a Ćišćanska rezerwa zesylni so z hrajerjemi U 23. Michał Čóška, trenar koparjow Sokoła, přećiwnika z prěnjeje hry hižo njespózna.
Hosćo hru wot spočatka postajachu. K prěnim wrotam dóńdźe po róžku. Tón bu dosrjedźa wotwobarany a Heinecke prasny bul wolej do hornjeho třiróžka. Cyž njeměješe žanu šansu. W 35. min. njezamó Sokoł wotzamknyć, a tak dóńdźe ke konterej. Heinecke přihra bul spěšnemu Kossowej, kiž k 0:2 do dołheho kuta přetwori. Jakubaš měješe jeničku składnosć w prěnim połčasu, tola jeho pospyt dźěše wyše klětki.
Worklečenjo su dobyćerjo volleyballoweho pokala SGB
Koparki SGB slěbro dobyli
We wurisanju „Młodźina trenuje za olympiju“ wotmě so w Großröhrsdorfje regionalne finale koparkow w starobnej skupinje IV. Šulerki 5. a 6. lětnika Serbskeho gymnazija Budyšin (SGB) podležachu tam holcam Goethoweho gymnazija Biskopicy 1:7 a docpěchu slěbro.
FC Energija Choćebuz žaruje
Runje w lěće, w kotrymž swjeći koparski klub Energija Choćebuz 50. róčnicu załoženja, bě 14. meja najčorniši dźeń w jeho sportowych stawiznach. Po domjacej poražce 2:3 přećiwo rezerwje FSV Mainz 05 na poslednim hrajnym dnju bě doskónčnje jasne, zo dyrbi Energija profijowej kopańcy adej prajić. Nětko zwostanu jenož hišće dopomnjenki na šěsć lět w zwjazkowej koparskej lize a na pokalne finale DFB 1997.
Prěnje hašenske wubědźowanje
25. běh na a po Sokolniku so wotměł
Lětsa wotmě so hižo 25. jubilejne a jara naročne běhanske wubědźowanje z Wjazońcy na a po 589 metrow wysokej horje Sokolnik. Triatlonowe towarstwo Sokolnika je běh ze 160 sportowcami organizowało. Distancy běchu 1/2,5/5 a 11 kilometrow. Tři štwórćiny atletow startowachu na najdlěšimaj čaromaj. Aktiwni běchu z cyłeje Hornjeje Łužicy, z Drježdźan, Pirny a šěsć dalšich městow Sakskeje. Na distancy 11 km wobdźěli so samo pjeć běharjow z čěskeho kluba ASK Děčín. Na 1 a 2,5 km wubědźowachu so młódši kaž tež starši šulerjo. Běhi hódnoćachu so za rjadnu lisćinu Wopačanski cup běharjow.
Cyłkownaj dobyćerjej na 5 km, kotrež wjedźechu nimale hač na wjeršk Sokolnika, běštaj Naike Falk ze Žitawy (27:41 min.) a André Dutschmann z Hornjeje Hórki (23:02 min.). Na tejle distancy wobsadźi Jurij Nuk z Budyšina 2. městno (48:48 min.) w skupinje 80-84 lět.
