Dwaceći lět po Chróšćan zběžku je Domowina na městnje tehdyšeho jednanja – na dworje bywšeje srjedźneje šule w Chrósćicach – 6. septembra wuhotowała spominanske zarjadowanje na tehdyše podawki. Pokazali su film wo zběžku, ale tež wjacori časowi swědkojo a dalši Serbja su so słowa jimali, rozmyslujo wo tym, što je było a što dźensa ze zběžka mamy. Mjez druhim staj tón wječor tohorunja dr. Jana Markowa, kotraž bě před 20 lětami rěčnica staršiskeje iniciatiwy, a tehdyši předsyda Domowiny Jan Nuk k přitomnym rěčałoj a za swoje słowa tójšto připóznaća žnjałoj. Serbske Nowiny tuž narěči dr. Jany Markoweje a Jana Nuka dokumentuja.