Dwójne předsydstwo móžne
Frakcija SPD wuradźuje wo přichodźe strony po wotstupje předsydki
Berlin (dpa/SN). Zapósłancy SPD w zwjazkowym sejmje su so dźensa popołdnju schadźowali, zo bychu wo dalšim postupowanju po wotstupje stronskeje předsydki Andreje Nahles a po bolostnej wólbnej poražce při wólbach Europskeho parlamenta kónc meje wuradźowali. Nahles wuži składnosć, zo by so ze zapósłancami rozžohnowała a předsydstwo frakcije oficialnje złožiła.
Ze swojim wotstupom je Andrea Nahles SPD do ćežkeje krizy storčiła. Wčera běchu rozsudźili, zo ministerskej prezidentce Mecklenburgsko-Předpomorskeje Manuela Schwesig a Porynsko-Pfalcy Malu Dreyer a předsyda hessenskeje SPD Torsten Schäfer-Gümbel stronu nachwilnje zhromadnje nawjeduja.
To a tamne (04.06.19)
Po dešćikowej role do swojeho bydlenja zalězł je 33lětny muž w Backnangu pola Stuttgarta a zawini tak zasadźenje policije. Přez wočinjene wokno móžeše wón bydlenje na hornim poschodźe twarjenja docpěć. Susod bě policiju wołał, dokelž tukaše na zadobywarja. Policistam móžeše 33lětny akciju rozkłasć: Wón bě kluče bydlenja doma zabył. Hač na kotry poschod bě wón lězł, njeje znate.
Něhdźe 300 mortwych rybow je spjaty jězor za pitnu wodu w Stollbergu zanjerodźiło. Ryby běchu tam srjedź měrca wuhladali. Přepytowanja wunjesechu, zo bě je něchtó do spjateho jězora wusadźił. Dokelž njeběchu na čistu wodu zwučene, su ryby zahinyli. Je pak wuzamknjene, zo su so jědojte maćizny do pitneje wody dóstali. Policija přepytuje nětko zanjerodźenja wody a ranjenja zakonja wo škiće zwěriny dla. Swobodnemu statej nasta zanjerodźenja wody dla škoda 6 000 eurow.
Prěnje Bože mšě po nadpadach
Colombo (B/SN). Tři tydźenje po nadpadach z 258 mortwymi móžachu katolikojo w Sri Lance Bože mšě zaso oficialnje swjećić. Kaž zjawne medije rozprawjachu, wopytachu tysacy křesćanow cyrkwje w stolicy Colombo. Bože domy wobstražowali su wojacy z awtomatiskimi brónjemi. Mjeztym je policija wjace hač 150 podhladnych zajała – mjez druhim islamskeho duchowneho, kiž měješe zwisk z atentatnikami.
Charta na dobro ćežko chorych
Konferenca CDU wo klimje
Weimar (dpa/SN). Zwjazkowa kanclerka Angela Merkel (CDU) wobdźěli so dźensa na konferency frakciskich šefow CDU/CSU Zwjazka a jeho krajow we Weimaru. W srjedźišću dwudnjowskeje konferency steješe klimoškitna politika. Předsydka CDU Annegret Kramp-Karrenbauer bě w tym zwisku naposledk deficity swojeje strony přiznała. Na konferencu wočakowachu dźensa tež bayerskeho ministerskeho prezidenta Markusa Södera (CSU).
Skóncowane dźěle zatwarjene
Washington (dpa/SN). Lětadłotwarc USA Boeing přiznawa, zo je prawdźepodobnje defektne dźěle do swojich mašinow zatwarił. Potrjechene su mašiny typa Boeing 737 Max, za kotrež płaći po wšěm swěće zakaz startowanja, po tym zo běštej dwě mašinje w běhu krótkeho časa na nimale samsne wašnje znjezbožiłoj. Lětadłotwarc chce nětko skóncowane dźěle lětadłow wuměnić.
Lětadło defektne było
W ćichej zrudobje přichadźeja ludźo w Budapesće k Dunajej, zo ...
Kak dale w předsydstwje SPD?
Berlin (dpa/SN). Po njewočakowanym wotstupje Andreje Nahles ze zastojnstwa předsydki SPD a frakciskeje předsydki pytaja socialdemokraća za nowym nawodnistwom. Dźensa dopołdnja je so předsydstwo SPD w Berlinje zešło. Hižo wčera wječor wotmě najwuše nawodnistwo strony krizowe posedźenje, kotrež pak so bjez wuslědka skónči. Nahles bě wčera dopołdnja swój wotstup připowědźiła, dokelž nima w stronje pječa wjace podpěry dosć, po tym zo bě strona při wólbach Europskeho parlamenta wulke straty poćerpjeć dyrbjała. 48lětna chce tež swój mandat jako zapósłanča zwjazkoweho sejma złožić a so kompletnje z politiki wróćo sćahnyć.
Tuchwilu je dospołnje njejasne, štó budźe nowy předsyda SPD. Tak je zwjazkowy financny minister Olaf Scholz hižo wuzamknył, zo nimo ministerskeho zastojnstwa tež předsydstwo SPD přewozmje. Tež delnjosakski ministerski prezident Stephan Weil je signalizował, zo jako předsyda SPD k dispoziciji njesteji.
Chcedźa Trumpej znapřećiwić
Washington/London (dpa/SN). Prezident USA Donald Trump je po puću na tři dny trajacy statny wopyt Wulkeje Britaniskeje. W běhu dnja wočakowaše jeho kralowna Elizabeth II. w Buckingham palasće. Tam bě wulka wojerska ceremonija planowana. K politiskim rozmołwam chce so Trump z britiskej premierministerku Theresu May zetkać.
Wo wopyće Trumpa we Wulkej Britaniskej wjele diskutuja. Dźěle wobydlerstwa njejsu Trumpej přichilene. Tón bě so njedawno do nutřkownych naležnosćow kraja tykał a Britam radźił, kak maja z brexitom wobchadźeć, njewšědna to kročel wukrajneho statnika. Nimo toho bě so Trump jasnje na stronu přiwisnikow brexita stupił a bě radikalneho zastupnika brexita Borisa Johnsona nastupajo naslědnistwo premierministerki Theresy May podpěrał. Za jutře su demonstracije w Londonje přećiwo Trumpej připowědźene. Organizatorojo wočakuja hač do 250 000 wobdźělnikow. Trump chce so tež z francoskim prezidentom Emmanuelom Macronom zetkać.
Ćežke herbstwo
To a tamne (03.06.19)
Jenož spódnje cholowy woblečeny je policist w Londonje štyrjoch paduchow wućěrił, kotřiž běchu so do wobchoda złotnikarja zadobyli. 29lětny bě w nocy na pjatk wotućił, jako paduši wokno wobchoda blisko bydlenja rozbichu. Jako snadnje zdrasćeny policist k městnu njeskutka doběža, ćisnychu skućićeljo na njeho motyku. Z njej w ruce da so wón do nich, tak zo bjez rubizny z mopedami ćeknychu.
Z tři kilometry dołhim blidom z jědźu a napojemi k wječornemu skónčenju posćenja w ramadanje chce Egyptowska nowy rekord za Guinnessowu knihu rekordow nastajić. Něhdźe 7 000 ludźi wšitkich socialnych worštow je sobotu po informacijach organizatorow přišło, zo bychu so na hosćinje wobdźělili. Zastupnik Guinnessoweje knihi chcyše blido dokładnje wuměrić. W póstnym měsacu ramadanje maja so muslimojo wot schadźenja słónca hač do chowanja posćić.
China nowe cła wukazała
Peking (dpa/SN). Wikowanska wójna mjez Chinu a USA so dale přiwótřa. Jako reakciju na najnowše wot USA wukazane cła je China nowe za wudźěłki z USA we wobjimje 60 miliardow dolarow wukazała. Za twory z USA płaća wotnětka hač do 25 procentow cła. Minjene tydźenje běchu USA chinskim produktam hač do 25 procentow cła napołožili. Cła płaća mjez druhim za matracy a woclane piwowe sudy, kotrež China w Americe pječa za dumpingowe płaćizny poskića.
Namołwja USA k dialogej
Mexiko-City (dpa/SN). Prezident Mexika Andrés Manuel López Obrador je prezidenta USA Donalda Trumpa k dialogej namołwjał, po tym zo bě tón chłostanske cła přećiwo Mexiku wukazał, dokelž kraj pječa dosć přećiwo ilegalnej migraciji nječini. „Socialne problemy njehodźa so z cłami a chłostanskimi naprawami rozrisać“, rěka w lisće Lópeza Obradora Trumpej. Kaž mexiski prezident připowědźi, so hišće dźensa delegacija do Washingtona poda, zo by tam rozrisanje docpěła.
Pompeo zetka so z Merkel
