Předstaja potenciale Choćebuskeho wuchodneho jězora „Baltiske morjo“

Choćebuz (SN/BŠe). Šansy a perspektiwy Choćebuskeho wuchodneho jězora „Baltiske morjo“ wotwisuja wot koncepcionelneho a planowanskeho nastajenja. Zo bychu so zakładne zaměry stejnišća přichodnje formulować hodźeli, přepytowachu nětko potenciale bywšeje brunicoweje jamy, kotraž ma so z jězorom stać.

Hižo loni w awgusće bě město Cho­ćebuz turistiskemu poradźowanskemu běrowej Projekt M a planowanskemu běrowej TOPOS nadawk dał, móžne potenciale analyzować. W zašłych dźewjeć měsacach stej so běrowaj intensiwnje z wuwićom jězora rozestajałoj a ćežišća zdźěłałoj. W srjedźišću stejachu při tym pra­- šenja kaž atraktiwnosć, wikowanske potenciale, wubědźowanje, turizm kaž tež wužitk noweho jězora. Tohorunja prašachu so planowarjo za wuwićom infrastruktury a jeje kwalitu.