Ralbicy (JK/SN). Poslednje dny stejitej nětko kucharce Ralbičanskeje šulskeje kuchnje při kachlach, zo byštej přihotowałoj słódny wobjed za šulerjow, pěstowarske dźěći kaž tež za mnohich dalšich, kotřiž sej wobjed z Ralbic waža. Wot 1997 Angela Čórlichowa a Roswita Wałdźina wutrajnje wšědnje čerstwu jědź waritej. Kónc tohole lěta so jeju čas w twarjenju při Ralbičanskej sportowni skónči. Angela Čórlichowa je mjeztym wuměnkarsku starobu docpěła. Po tym zo je dlěje hač 40 lět wariła a tak njeličomnych šulerjow a wučerjow na šuli dožiwiła, je so wona zhromadnje z Roswitu Wałdźinej rozsudźiła, kucharsku čapku nětko na symboliski hozdźik powěsnyć.