Z bilancy 2016 Budyskeje wokrjesneje lutowarnje

Budyšin (SN/at). Z dźakom za zdokonjane dźěło zahajichu dźensa bilancowu nowinarsku konferencu Budyskeje wokrjesneje lutowarnje. Wona je spěchowanske kredity aktiwnje sposrědkowała. To bě Krajnej bance Badensko-Württembergskeje (LBBW) z přičinu, tudyši komunalny kreditny institut jako „premiumoweho partnera spěchowanskeho poradźowanja“ počesćić. Zo přemysłownicy kaž tež priwatnicy spěchowanske srědki wuspěšnje zasadźeja, wobkruća Budyskej wokrjesnej lutowarni přewšo wysoku kwalitu poradźowanja a najlěpši serwis.

Wuznamjenjenje je Frank Wenz, wotrjadny direktor spěchowanski kreditny wobchod pola LBBW, předstejićelomaj Dirkej Albersej a Geraldej Iltgenej přepodał. „Poskićamy swojim klientam cyłotne poradźowanje. Naši poradźowarjo so dokładnje z jich přećemi rozestajeja“, Dirk Albers zwěsći.