Rostlinu w najwšelakorišich wobłukach zasadźa
Kašecy/Zdźěr/Róžant (SN/BŠe). Na něhdźe 1,3 miliony hektarach plahuja w Němskej rěpik. Najwjac z toho na polach w Mecklenburgsko-Předpomorskej. Tola tež w Sakskej je přestrjeń zašłe lěta něhdźe 130 000 hektarow wučinjała. To njezadźiwa, wšako je rěpik wunošny a prawdźepodobnje rostlinska milinarnja. Z něhdźe dweju do třoch kilogramow symjenja na hektar role nastanu w běhu jědnaće měsacow 3 800 kilogramow rěpikoweho symjenja. Te hodźi so na wolij za jědźe, biodiesel, wotpowědne wolije za jězdźidła, chemiske wolije kaž na přikład za barby abo samo rěpikowe pelety za picu swini a howjadow předźěłać.
