Powołanje z přichodom

Montag, 07. August 2017
Artikel bewerten
(0 Stimmen)
Přichodni elektronikarjo pospytachu so we wobłuku campa hižo na šaltowanskej připrawje.  Foto: SN/M. Bulank Přichodni elektronikarjo pospytachu so we wobłuku campa hižo na šaltowanskej připrawje. Foto: SN/M. Bulank

Budyšin (SN/BŠe). Elektronikarjo mějachu lětsa cyle hinaši zazběh do swojeho wukubłanja. Wokrjesne rjemjeslnistwo bě mjenujcy wosebity camp zarjado­wało, hdźež so wučomnicy z powołanjom bliže zaběrachu. Tak nazhonichu w zwučowanjach na přikład, zo njetrjebaja so miliny bojeć, zo pak maja z respektom z njej wobchadźeć. Tohorunja přewjedźechu zamołwići wodźenje po sprjewinym měsće, hdźež wěnowachu so swěcy. Wulět do Budyskeho krosnowanskeho parka při spjatym jězoru skupinske dźěło skrući. Dale su sej wobdźělnicy hišće twarnišćo wobhladali. „Na campje wobdźěli so šěsć młodostnych. Jědnaće elektronikarjow pak je spočatk awgusta w Budyskim wokrjesu swoje wukubłanje zahajiło. To je tak mało kaž nihdy do toho“, jednaćelka wokrjesneho rjemjeslnistwa Sabine Gotscha-Schock wujasni.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND