Předewzaćeljo hibaja so mjez euforiju a skepsu

Dienstag, 19. September 2017
Artikel bewerten
(0 Stimmen)
Město Budyšin dźěła zaměrnje na předewzaćelskej platformje. Ideju su nětko wikowarjam  sprjewineho města předstajili.  Foto: Carmen Schumann Město Budyšin dźěła zaměrnje na předewzaćelskej platformje. Ideju su nětko wikowarjam sprjewineho města předstajili. Foto: Carmen Schumann

Internetnu platformu Bautzen.de tuchwilu předźěłuja. To je dobra składnosć, nowu předewzaćelsku platformu Bautzen.info na nju přiwjazać, měni cityjowa­ managerka Gunhild Mimuß.

Budyšin (SN/CS). Hižo połdra lěta Gunhild Mimuß na mjenowanej ideji dźěła. Nětko je projekt tak daloko wuzrawjeny, zo móžachu jón zajimowanym přede­wzaćelam w Budyskej Ludowej bance předstajić. Něhdźe 70 wikowarjow a přemysłownikow bě přišło, zo by so informowało a wo projekće diskutowało. Wažne je, kaž Gunhild Mimuß potwjerdźi, zo so internetna prezentacija na přećach kupcow orientuje. Runočasnje maja wikowarjo z toho profitować, zo móža so wulkemu kruhej kupcow prezentować. Michael Walter z předewzaća azobit a Jens Pietsch z firmy 24 PM předstajištaj techniske detaile.­ Z jeničkim klikom móža wužiwarjo swoje temy wolić, kaž dožiwjenja a tury, nakupowanje, hosćency kaž tež přenocowanja. Cilowa skupina su dnjowi hosćo a dowolnicy. Pozadkowy wobraz ma so po počasach měnjeć.

Veröffentlicht in Hospodarstwo
Bitte anmelden, um einen Kommentar zu posten

Anzeige