10. króć wuhotuja Kulowscy wobchodnicy lětsa nakupowansku nóc w kuzłapołnym swětle a su sej wospjet něšto noweho wumyslili.
Kulow (SN/JaW). Něhdźe 35 stejnišćow změje lětuša 10. nakupowanska nóc w kuzłapołnym swětle pjatk, 20. oktobra, wot 19 hodź. w Kulowje. To připowědźichu čłonojo předsydstwa Kulowskeho zjednoćenstwa wikowarjow Birgit Rost, Phillipp Metzner a Maćij Čórlich minjeny štwórtk w Kulowje.