Pytaja dale sobudźěłaćerjow

Dienstag, 07. November 2017
Artikel bewerten
(0 Stimmen)

Budyšin (CK/SN). Tak dołhi rynk čakacych, kaž je so wón 2. nowembra w foyeru Budyskeje agentury za dźěło jewił, tam hižo měsacy dołho widźeli njeběchu. To pak njebě žana pokazka na špatne časy na dźěłowych wikach, praji šef dźěłoweje agentury Thomas Berndt na naprašowanje SN. Nawopak, jeho so­budźěłaćerjo móža tuchwilu po wšej wuchodnej­ Sakskej 4 632 swobodnych ­dźěłowych městnow z winowatostnym socialnym zawěsćenjom poskićeć. 1 182 z nich bě w oktobru k tomu přišło. Wo­sebje wulka potrjeba za fachowcami knježi w časowym dźěle, w předźěłacym ­přemysle, strowotnistwje a socialnistwje kaž tež we wobchadźe a wikowanju. Zo předewzaća w Hornjej Łužicy dale ludźi přistajeja, je k tomu wjedło, zo bjezdźěłnosć woteběra. Kónc oktobra bě 10 543 muži a 8 828 žonow bjez dźěła. To je najniši­ staw w oktobru wot spočatka 1990tych lět.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND