Nowe wudźěłki z chrěnom

Donnerstag, 23. November 2017
Artikel bewerten
(0 Stimmen)

Lubnjow (dpa). Žně chrěna w Błótach su zahajene. Dokelž tule zeleninu priwatnym domjacnosćam w regionje lědma předawaja, rozmysluja předźěłanske zawody wo nowych produktach, zo bychu hinaše cilowe skupiny docpěli. Woni trochuja, zo je hišće dosć móžnosćow za nišowy wudźěłk.

Přez lěta hižo maja chrěnowe žně w Błótach stabilny niwow, a wuhlady za lětušu­ sezonu su tež zaso dobre. Tole rozprawjeja­ plahowarjo a jedyn pře­dźěłanski zawod składnostnje oficial­neho zahajenja žnjow. Plahowanska přestrjeń chrěna je so wo něšto hektarow na nětko 16 hektarow w Błótach pomjeń­šiła. Nimale kóžde lěto so wona měnja, přeco zaso su chabłanja, zasadnje pak plahowanje stabilne wostawa. W Błótach z toho wu­chadźeja, zo w tejle sezonje 240 tonow korjenjoweje zeleniny dom­chowaja.

Nježněja wšitko naraz, ale w dwěmaj wotrězkomaj – nětko a hišće raz nalěto. Přez zymu wužiwaja pódu takrjec jako chłódźak, zo móhli chrěn dlěje čerstwy předźěłać. Tak sej předawanske zawody kóšty składowanja lutuja. Nimo toho je składowanska kwalita w pódźe po informacijach předźěłarjow najlěpša.

Veröffentlicht in Hospodarstwo
Bitte anmelden, um einen Kommentar zu posten

Anzeige