Łužiscy wobhospodarjerjo hatow ze zymu žane wulke starosće nimaja

Donnerstag, 01. März 2018
Artikel bewerten
(0 Stimmen)
Karpy wjesela so nad bohatym poskitkom cyroby, kotruž wšědnje 16 króć z wosebiteje připrawy dóstawaja. Přijomna je tohorunja temperatura wody z 22 stopnjemi, kotraž zmóžnja Chrjebjanskemu rybarskemu zawodej wosebite plahowanje. W Čornopumpskim industrijnišću su basenki z ćopłej wodu milinarnje přede wzaća Łužiska energija a milinarnje (LEAG) pjelnjene. Foto: Jost Schmidtchen Karpy wjesela so nad bohatym poskitkom cyroby, kotruž wšědnje 16 króć z wosebiteje připrawy dóstawaja. Přijomna je tohorunja temperatura wody z 22 stopnjemi, kotraž zmóžnja Chrjebjanskemu rybarskemu zawodej wosebite plahowanje. W Čornopumpskim industrijnišću su basenki z ćopłej wodu milinarnje přede wzaća Łužiska energija a milinarnje (LEAG) pjelnjene. Foto: Jost Schmidtchen

Kóžde lěto so ludźo prašeja, kak łužiske ryby předewšěm zymu a zmjerzki přetraja. Přičina to, so raz pola nazhonitych rybarjow zawoda w Chrjebi wobhonić. A kaž bě wottam słyšeć, nimaja dotal žane wulke starosće, byrnjež ­dźěła dosć měli.

Chrjebjanski rybarski zawod tzwr wobhospodarja nimo mnohich łužiskich hatow wosebitu plahowansku připrawu za karpy na Čornopumpskim industrijnišću. Nazymu sadźeja tam rybički do připrawy, w meji wusadźeja je do hatow w regionje. To su ryby hižo wokoło 500 gramow ćežke. Tuchwilu waža wone něhdźe połojcu. W 22 stopnjow ćopłej wodźe ze susodneje milinarnje přede­wzaća Łužiska energija a milinarnje (LEAG) so ryby wězo přewšo derje čuja. Z tej metodu karpy plahować zalutuje Chrjebjanski zawod jedne cyłe lěto plahowanskeho časa. Wšědnje tam karpy picuja, za čož maja awtomatisku připrawu, kotraž šěsnaće króć wob dźeń picu do wody sypa. To je kóždu połnu hodźinu, jenož w nocy knježi měr. W kóždym ze štyrjoch wulkich basenkow je w zymje nimale 50 000 rybičkow. W třoch mjeńšich plahuja 2 000 karpow.

Veröffentlicht in Hospodarstwo
Bitte anmelden, um einen Kommentar zu posten

Anzeige