Budyšin (CS/SN). Budyske wokrjesne ­rjemjeslnistwo je njedawno wučomnikow w powołanjach mechanikar připrawow, metalotwarc a elektronikar ­swjatočnje wuwjazało a jim rjemjeslniske wopisma přepodało. Najlěpši z nich smědźachu, ­zastupujo wšěch tamnych, karančk piwa z wokrjesnym rjemjeslniskim mištrom Frankom Scholzu a wyšimi mištrami zjednoćenstwow wupić.

Cyłkownje 42 wučomnikow dósta w Budyskim Dźiwadle na hrodźe swoje wuswědčenje. Ličba je so tuž porno lońšemu, hdźež běchu 31 młodych ludźi wuwjazali, powjetšiła. Mjez młodostnymi, kotřiž su po połštwórta lěta swoje wukubłanje zakónčili, bě tež Anne-Marie Schmidt z Rěčic. Wona smědźeše swoje wukubłanje na rěznisku předawarku wuběrnych wukonow dla poł lěta prjedy skónčić.