Zawrjenje wobchodow ćichi pjatk zbudźa diskusije

Pančicy-Kukow (SN/JaW). Sakski zakoń wo wotewrjenju wobchodow zbudźa na serbskich wsach Hornjeje Łužicy diskusije. Po zakonju dyrbja „wobchody ćichi pjatk, jutry póndźelu, swjatki póńdźelu, na reformaciskim dnju kaž tež na 1. a 2. hodowny swjaty dźeń zawrjene wostać“, kaž wobkrući nam předsyda a zamołwity za porjad a wěstotu zarjadniskeho zwjazka Při Klóšterskej wodźe Měrko Domaška. Prěni raz dyrbjeli tuž lětsa nimale wšitke pjekarnje regiona zawrjene wostać, štož móhło zastaranje z pječwom wokoło jutrow wohrozyć.