Za połdra lěta ma so rěka zaso mjez Lemišowom a Nowej Wsu wić
Lemišow (SN/at). Je z wašnjom, wulke twarske předewzaća z prěnim zarywom łopača zahajić. Statny sekretar dr. Frank Pfeil ze sakskeho ministerstwa za wobswět a ratarstwo je so wčera w tužnoće łučinoweho lěsa nad Sprjewju blisko Lemišowa na bager sydnył, zo by z wulkim łopačom twarskeje mašiny prěni zaryw tam wukonjał, hdźež ma so Sprjewja prawje bórze do hišće wobstejaceho stareho rěčnišća nawróćić.
