W Krabatowym mlokowym swěće zajimcow rady po zawodźe wodźa
Budyšin (SN/mwe). W Europskej uniji chcedźa so z nowymi, hišće krućišimi předpisami pod napismom „Food Defense – produkciski škit“ a „Food Safety – wěstota žiwidłow“ wo sylnišu kontrolu hygieny při produkciji žiwidłow starać.
Što to za Budyski wokrjes rěka? Na naprašowanje Serbskich Nowin Gernot Schweitzer z nowinarskeho běrowa krajnoradneho zarjada zdźěli, „zo su žiwidłowi předewzaćeljo zawjazani, móžne strachi nastupajo škit produkcije spóznać, analyzować a dočasne naprawy přewjesć.“
Runje z teje přičiny, dokelž njemóžachu tutón škit zawěsćić, je Korchec mjasowa a kołbasowa fabrika w Radebergu hižo w lěce 2016 hač do dźensnišeho swoje zjawne wodźenja po produkciskich rumnosćach zastajiła. „Hłowna přičina je, zo njejsu wobhladanja po certifikaće ISS pola nas hižo móžne“, wottam rěka.