Schrift vergrößern
Wjelči nadpad cyle hinašeho razu su wobydlerjo minjeny pjatk w delanskich Konjecach dožiwili, hdźež je rubježne zwěrjo dwaj jelenjej do smjerće honił. Wčera bě Budyski krajny rada Michael Harig (CDU, 1.wotprawa) tam, zo by z potrjechenymi rěčał. Wón chce nastupajo zatřělenje wjelkow Róžeńčanskeje črjódy ćišć na runinje Zwjazka a Sakskeje přiwótřić. Foto: Alfons Handrik
Konjecy (aha/SN). Minjeny pjatk rozprawjachu Serbske Nowiny wo „struchłej namakance w Konjecach“. Sćelak Radio Lausitz tohorunja samsny dźeń wječor rozprawješe, zo běchu tam wjelki jelenjej do smjerće honili. Tež telewizijny magacin MDR „Um zwei“ je so tomu wutoru z wobšěrnym přinoškom wěnował.
