Wučomnicy maja dobru perspektiwu

Donnerstag, 23. August 2018
Artikel bewerten
(0 Stimmen)
Swjatočnje přijeli su Grodkowske zawody předewzaća Hamburger Rieger tele dny nowych wučomnikow, kotrymž skića wuběrne powołanske móžnosće. Tuchwilni wučomnicy jich tam hnydom sobu witachu.  Foto: Jost Schmidtchen Swjatočnje přijeli su Grodkowske zawody předewzaća Hamburger Rieger tele dny nowych wučomnikow, kotrymž skića wuběrne powołanske móžnosće. Tuchwilni wučomnicy jich tam hnydom sobu witachu. Foto: Jost Schmidtchen

Grodk (JoS/SN). Papjerowa fabrika, zawod Dunapack a milinarnja Spreerecycling w Grodku, kotrež maja jako wotnožki předewzaća Hamburger Rieger dohromady 500 direktnych dźěłowych městnow, su druhi najwjetši dźěłodawar regiona. Z twarom noweje mašiny za produkciju papjery PM“ budu hišće dalši sobudźěłaćerjo trěbni. To wobkrućichu nawodźa papjernika (Papierfabrik) tele dny na swjedźenskim zarjadowanju w Grodkowskim hrodźe, hdźež su 17 młodych fachowcow z wuspěšneho wukubłanja wuwjazali. Wšitkim móžachu dźěłowe městno w jednej z mjenowanych třoch twornjow poskićić. Hladajo na 38 wučomnikow leži tam wukubłanska kwota pola sydom procentow, štož ma tež tak wostać. Wšako dósta samsny dźeń dźewjeć młodostnych swoje wukubłanske a studijne zrěčenje. Nowi wučomnicy pochadźeja z Wojerec, Grodka, Wjelceje a Žitawy.

Veröffentlicht in Hospodarstwo
Bitte anmelden, um einen Kommentar zu posten

Anzeige