W Rakečanskej plahowarni swini wot oktobra dźěłać přestanu
Rakecy (SN/BŠe). W Rakečanskej plahowarni swini njebudu přichodnje hižo žane swinje dźeržane. „To bě jednotliwy rozsud, kotryž za tamne zawody njepłaći. Za přichod našeho agrarneho drustwa pak je to móžnosć, efektiwnje dale hospodarić“, zdźěli jednaćel Zarěčanskeho ratarskeho zawoda Stefan Triebs na naprašowanje. Hižo we februaru na zhromadźiznje towaršnikow běchu rozsudźili, kormjernju zawrěć. W 70- a 80tych lětach twarjenu bě ju Zarěčanska ratarska towaršnosć před dwaceći lětami wot rukowaćelnje dóstała. Přiwšěm běchu tehdy hižo inwesticije trěbne.
