Čara mjez Zhorjelcom a Wojerecami elektrifikowana

Dienstag, 20. November 2018
Artikel bewerten
(0 Stimmen)
Nastupišća podłu čary, kaž tule we Łazu, su dospołnje nowe twarjene. Zamołwići dźiwachu nimo toho na serbsce popisane taflički stacijow. Foto: SN/Hanka Šěnec Nastupišća podłu čary, kaž tule we Łazu, su dospołnje nowe twarjene. Zamołwići dźiwachu nimo toho na serbsce popisane taflički stacijow. Foto: SN/Hanka Šěnec

Zhorjelc/Wojerecy (SN/BŠe). Z ćahom w běhu jenož 56 mjeńšin ze Zhorjelca do Wojerec a nawopak jěć budźe bórze woprawdźitosć. Z nowym jězbnym planom 9. decembra móža ludźo zwisk zaso wužiwać. „Smy zaso tu“, wuzběhny jednaćel wobchadneho zaměroweho zwjazka Hornja Łužica-Delnja Šleska (ZVON) Hans-Jürgen Pfeiffer minjeny pjatk. To smědźachu nowinarjo prěni króć po dospołnje nowej elektrifikowanej čarje z ćahom sobujěć. „Sobujěducy regionalneho wobchada z infrastruktury profituja. Wot Niskeje do Zhorjelca trjebaja z ćahom jenož hišće 18 mjeńšin. To z awtom nje­zdokonješ“, wuswětli nawoda zawodneho planowanja towaršnosće Wuchodoněmska železnica Heiko Miels.

Hižo kónc oktobra běchu twarske dźěła na čarje zakónčili. Tuchwilu přewjeduja hišće zbywace dźěła na nastupišćach, kaž w Niskej. Minjene tydźenje pak su fachowcy­ čaru dokładnje přepruwowali. Runje tak wotměchu kubłanske jězby, zo móhł so personal z čaru bliže zezna­jomić. Přichodnje dźě budu ćahi na čarje hač do 120 kilometrow na hodźinu spěšne­.

Veröffentlicht in Hospodarstwo
Bitte anmelden, um einen Kommentar zu posten

Anzeige