Pólska nadawk spjelniła

Mittwoch, 11. Dezember 2019
Artikel bewerten
(0 Stimmen)
W najlěpšim padźe móžeš wot přichodneje njedźele w nimale třoch hodźinach z Budyšina z ćahom we Wrócławju być, na wróćopuću hižo po dwěapoł hodźinje. Dźakować mamy so elektrifikaciji pólskeje žele­zniskeje čary wot Węglinieca do Zgorzeleca. Susodny kraj je swój nadawk němsko-­ pólskeho železnicoweho zrěčenja z lěta 2003 spjelnił. A Němska? Wjele lět knježaceho njezajima přisłušnych wobchadnych politikarjow w Berlinje dla njemóžeš přeco hišće ze sakskeje krajneje stolicy w jednym ćahu do delnjošleskeje metropole jěć. Dyrbiš znajmjeńša jónu přestupić. To jězbny čas runje tak podlěša kaž bliskowobchadne dieselowe ćahi mjez Łobjom a Nysu. Wšako wone spěšnosć elektriskich ćěridnych wozow prosće njedocpěwaja. Přijomna jězba w ćahu hinak wupada. Najebać to, zo ma so čara Drježdźany–Zhorjelc we wobłuku předewzaćow strukturneje změny elektrifikować: Minu drje so hišće lěta, zo w Budyšinje zastupja a we Wrócławju z ćaha wulězu. Axel Arlt

Veröffentlicht in Hospodarstwo
Bitte anmelden, um einen Kommentar zu posten

Anzeige