Moderne abo historiske – wšitke su unikaty

Freitag, 31. Januar 2020
Artikel bewerten
(0 Stimmen)
Kachlestajer Handrij Krawčik z Njebjelčic twari ze swojim sobudźěłaćerjom najwšelakoriše kachle. Při tym wonaj na přikład tež zornowc abo kamjentne cyhele wužiwataj. Kachle hodźa so z elektroniku wuhotować, kotraž wužiwarja wolóža. Wšako njetrjeba je hižo sam začinjeć.  Fotomontaža: SN/Hanka Šěnec Kachlestajer Handrij Krawčik z Njebjelčic twari ze swojim sobudźěłaćerjom najwšelakoriše kachle. Při tym wonaj na přikład tež zornowc abo kamjentne cyhele wužiwataj. Kachle hodźa so z elektroniku wuhotować, kotraž wužiwarja wolóža. Wšako njetrjeba je hižo sam začinjeć. Fotomontaža: SN/Hanka Šěnec

Handrij Krawčik z Njebjelčic kaminy a kachle staja a ludźom přijomnu ćopłu stwu wobradźa

Zawěsće sej kóždy w zymje přijomnje zwohrěwanu stwu z ćopłymi kachlemi abo kaminom chwali. Zo njewostanu to za ludźi jeno sony, wo to stara so Handrij Krawčik z Njebjelčic. Po swojich słowach ma wón najrjeńše powołanje swěta. Nawuknył je rjemjesło w Kamjenskej firmje Ernsta Hentschela. Srjedź lěta 1997 je firmu bywšeho šefa přewzał, a ju wot toho časa w jeho zmysle nawjeduje. Za to trěbne mišterske wotzamknjenje bě Njebjelčan hižo do toho wuspěšnje złožił.

Spočatnje bě stejnišćo hišće w Kamjencu, doniž w lěće 2000 do Njebjelčic njepřećahny, hdźež bě Handrij Krawčik swójsku bróžeń přetwarił. Tež nastupajo sobudźěłaćerjow je so tójšto změniło. Bě-li jich spočatnje 16, staj to dźensa jenož hišće dwaj. „Přičina toho je, zo bě saněrowanska faza po přewróće nimo, čehoždla njebě hižo telko nadawkow. Sobudźěłaćerjow na montažu do zapadneje Němskeje pósłać tež nochcych. W běhu lět sym firmu kusk po kusku přetworił“, 51lětny rozkładuje.

Veröffentlicht in Hospodarstwo

Galerie

dalši wobraz (1) Stare kachle móžeš tež wottwarić a w nowej formje zaso natwarić, kaž Handrij Krawčik tule pokazuje. Z ruku pomolowane kachlicy je wón wušiknje znowa zasadźił. Wězo dyrbješe při tym jara dokładnje postupować. Foto: SN/Hanka Šěnec
Bitte anmelden, um einen Kommentar zu posten

Serbska debata

Neuheiten LND