Ignac Wjesela: „Póda je žiwy organizm“

Donnerstag, 12. März 2020
Artikel bewerten
(0 Stimmen)
Młody ratar Ignac Wjesela chce ludźom w regionje plahowane a strowe zežiwidła poskićeć. K tomu słuša tež bioběrna. A dokelž lubuje wón wšelakorosć, njewobmjezuje so jenož na dwě do tři družiny, ale chce lětsa na cyłkownje štyrjoch hektarach dźesać družin běrnow plahować.  Foto: Andreas Kirschke Młody ratar Ignac Wjesela chce ludźom w regionje plahowane a strowe zežiwidła poskićeć. K tomu słuša tež bioběrna. A dokelž lubuje wón wšelakorosć, njewobmjezuje so jenož na dwě do tři družiny, ale chce lětsa na cyłkownje štyrjoch hektarach dźesać družin běrnow plahować. Foto: Andreas Kirschke

26lětny Chróšćanski ratar hori so za ekologiske wobhospodarjenje polow

Biologisce plahowana běrna je strowa a ma jenož mało kalorijow. Wona je wy­sokohódnotny wudźěłk z rostlinskim bělkom, balastowymi a mineralnymi maćiznami kaž tež witaminami. Hladajo na plahowanje wuńdźe bjez chemisko-syntetiskich srědkow za rostlinoškit a hnojiwow. To rozeznawa ju wot konwencionalnje plahowanych, kotrež samo za čas składowanja wšelke chemikalije trjebaja. „To je za mnje absolutnje šokowace a za přetrjebarja njefairne, dokelž scyła wo tym informowany njeje“, měni ratar Ignac Wjesela z Chrósćic. Runje to­ho­dla je so wón rozsudźił plahowansku přestrjeń swojich bioběrnow jasnje powjetšić, zo by ludźom ekologisku a re­gionalnu alternatiwu poskićił. „Bioběrna je dobra inwesticija do strowoty“, 26lětny wujasnja. Wot dotal jednoho hektara rozšěri wón płoninu lětsa na něhdźe štyri hektary, hdźež budźe družiny Laura, Linda, Adretta, Belana, Goldmarie, Otolia, Wendi, Baltic Rose a zažnej družinje Anusch­ka a Corinna plahować.

Veröffentlicht in Hospodarstwo
Bitte anmelden, um einen Kommentar zu posten

Anzeige