Ratarjo maja hladajo na minjene spadki přičinu so wjeselić

Haslow/Róžant (SN/BŠe). „Spadki mi­nje­nych tydźenjow běchu wažne, hač­runjež njemóžachu deficit dweju lět narunać“, wuswětla Matthias Rebiš z Haslowa, kiž wobhospodarja hona ratarskeje towaršnosće Při Čornicy. Přiwšěm je wón z tuchwilnym wuwićom spokojom. „Dotal je so lětsa nimale 200 litrow wody na kwa­dratny meter našło. Nětko měło hišće trochu ćoplišo być“, wón měni.