Energija wěsta

Montag, 30. März 2020
Artikel bewerten
(0 Stimmen)

Choćebuz (SN). Předewzaće Łužiska energija a milinarnje (LEAG) chce zastaranje ludźi z milinu dale zaručić. Dokelž njemóža sobudźěłaćerjo wot doma dźěłać, je koncern wšelake naprawy zahajił, zo by sobudźěłaćerjow škitał. Přiwšěm njehodźitej so wuhlo a energija wot doma produkować.

Tuchwilu su třo sobudźěłaćerjo na koronawirus schorjeni. Tak su w brunicowych jamach wjace jězdźidłow zasadźili, zo móhli přistajeni wěstotny wotstawk dodźeržeć. Hižo wot spočatka měrca njesmě­dźa wopytowarjo na ležownosće předewzaća. W milinarnjach dźěłaja nětko w kruće postajenych teamach w změnach. Sobudźěłaćerjow w jednotliwych skupinach hižo njewuměnjeja, tak riziko infekcijow mjez přistajenymi pomjeń­šeja. Přiwšěm je energijowy koncern ze sydłom w Choćebuzu hižo nuzowe přenocowanske móžnosće w milinarnjach a brunicowych jamach zarjadował, zo móhli we wulkej nuzy reagować a sobudźěłaćerjow izolować.

Veröffentlicht in Hospodarstwo
Bitte anmelden, um einen Kommentar zu posten

Anzeige