Sróča titka we wjace pjekarnjach Empfehlung

Dienstag, 18. Januar 2022
Artikel bewerten
(0 Stimmen)
Knoblochec pjekarnja z Hornjeje Boršće (Oberförstgen) so tež lětsa na sróčej marketingowej akciji Załožby za serbski lud wobdźěla. Wčera je pjekarski mišter a wobsedźer Volker Knobloch (nalěwo) w Budyskej filiali na Drježdźanskej dróze sróče titki přijimał. Sobudźěłaćerka załožby Hanka Budarjowa jemu wosebitosć zapakowanja hišće raz nadrobnje rozłoži.  Foto: SN/Hanka Šěnec Knoblochec pjekarnja z Hornjeje Boršće (Oberförstgen) so tež lětsa na sróčej marketingowej akciji Załožby za serbski lud wobdźěla. Wčera je pjekarski mišter a wobsedźer Volker Knobloch (nalěwo) w Budyskej filiali na Drježdźanskej dróze sróče titki přijimał. Sobudźěłaćerka załožby Hanka Budarjowa jemu wosebitosć zapakowanja hišće raz nadrobnje rozłoži. Foto: SN/Hanka Šěnec

Zajim na marketingowej akciji Załožby za serbski lud přiběra

Budyšin (SN/JaW). Tež lětsa přewjeduje Załožba za serbski lud znowa swoju akciju z wosebitymi pjekarskimi titkami k ptačemu kwasej. Mjeztym je to 4. króć, kaž zamołwita załožby za marketing a ko­operacije Hanka Budarjowa na naprašowanje našeho wječornika informuje.

Akcija „sroka“, kaž projekt mjenuja, bě spočatnje zhromadna iniciatiwa załožby, Budyskeho Lionsoweho kluba a wokrjesneho zjednoćenstwa pjekarjow. „Zahajili smy ju 2019 a wona bě wuspěšna. Wot lońšeho pak ju jeno z pjekarskim zjednoćenstwom jako partnerom dale wjedźemy. Zjednoćenstwo zamołwja mjez druhim komunikaciju ze swojimi čłonami-pjekarjemi.“ Lětušu akciju su wobdźěleni pjekarjo – jich je něhdźe 32 wot Wotrowa přez Kulow, Kinspork, Kamjenc, Budyšin a Njedźichow hač do Slepoho – zdźěla hižo zahajili abo tele dny zahaja. Za lětušu akciju móžachu dotal třoch dalšich pje­karjow z Budyšina a Biskopic kaž tež wulkopjekarnju z Hodźija z tójšto filialemi za sróču akciju zdobyć. A kaž Hanka Budarjowa pisa, zajim wobstajnje přiběra.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND