Management Hornjołužiskeje hole a hatow zdźěłuje wuwićowu strategiju
Rakecy (SN/BŠe). Hdźe smy a dokal chcemy? To stej prašeni, z kotrymajž so Leaderowa kónčina Hornjołužiska hola a haty zaběra. Wšako zdźěłuje regionalny management ze sydłom w Rakecach hromadźe ze Zhorjelskim planowanskim běrowom Richter+Kaup wuwićowu strategiju za spěchowansku dobu 2023–2027. Na póndźelu přewjedźenym online-zarjadowanju zhoni nimale 40 zajimcow wuslědki wobšěrneje analyzy, kotruž bě planowanski běrow zdźěłał. Při tym wobjednawachu fachowcy wuwiće ličby wobydlerjow runje tak kaž jich starobu. Tež turistiski wobłuk bě jedyn z dypkow, z kotrymiž bě so planowanski běrow dokładnišo zaběrał.
