Njezwučene a starosć wubudźace zesunjenje

Donnerstag, 07. April 2022
Artikel bewerten
(0 Stimmen)
Z trutom zapopadnjene foto pokaza wobškodźeny wotrězk na južnym brjohu přichodneho Liškowskeho jězora blisko Choćebuza. Foto: Markus Pichlmaier Z trutom zapopadnjene foto pokaza wobškodźeny wotrězk na južnym brjohu přichodneho Liškowskeho jězora blisko Choćebuza. Foto: Markus Pichlmaier

Choćebuz (SN/at). Na kromje pohórnistwowych jězorow a w nich knježi swójska dynamika. Wo zesunjenjach dyrbjachu zamołwići Łužiskeje towaršnosć hórnistwoweho zarjadnistwa (LBMV) dotal přeco zaso rozprawjeć, tak loni 11. měrca w Hórnikečanskim jězoru.

Wobswětoškitarjo Choćebuskeje skupiny Zeleneje ligi rěča wo „njezwučenym a starosće wubudźacym“ zesunjenju na južnym brjoze Liškowskeho jězora – by­wšeje brunicoweje jamy Choćebuz-sewjer –, kotryž nastawa w zamołwitosći Łužiskeje energije a milinarnje (LEAG). Potrjecheny wotrězk je do směra na město Choćebuz zapołoženy. „Ze Šlichowom leži wobydlene sydlišćo w bjezposrědnej bliskosći zesunjenja“, wobkrući Renej ­Šuster ze Zeleneje ligi starosće wubudźacy fakt. W februaru a měrcu běchu tu wjacore zesunjenja. Na to bu w Šlichowje, měšćanskim dźělu Choćebuza, ­bywši škitny nasyp přećiwo harje wobšěrnje zawrjeny. Po­trjecheny je nimo toho wobłuk kaijoweje murje. Tu chce město Choćebuz pobrjóh jězora wobšěrnje wuwiwać, za čož chcedźa wjacore miliony eurow wudawać.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND