W Błótach wěnuja so ratarjo wšelakim družinam zeleniny a dalšim rostlinam, kotrež na polach w Hornjej Łužicy skerje z wašnjom njejsu. Bjezdwěla słuša ­

k tomu len.

Lubin (SN/BŠe). Wosrjedź měrca dosrjedź apryla su tež někotři ratarjo w Błótach len wusyli. Lětsa su to na wšě 210 hektarow, štož je 50 hektarow wjace hač loni. Dokelž je so w běhu zymy časćišo dešćowało, běchu pola dosć włóžne, čehoždla běchu wuměnjenja za wuwiwanje rostlin dobre. Tola krótko po wusywje nastaji so trajaca suchota z mało spadkami. Najebać to pak su so rostliny derje wuwili.