Briketownja w Čornej Pumpje bórze poslednja po cyłej Němskej

Čorna Pumpa (JoS/SN). Najprjedy korona a nětko ruska nadběhowa wójna ­w Ukrainje z přiwótřenej krizu zemskeho płuna přetrjebarjow z widom na bližacu so zymu přiběrajcy njewěstych činitej. Za zlěpšowanski zawod LEAG woznamjenja to wobstajnu produkciju na limiće. Tomu so přidruža, zo budźe briketownja „Srjedźa“ w Čornej Pumpje lětsa hišće poslednja swojeho razu w Němskej. Wšako wotnožka koncerna RWE Rheinbraun swoju briketownju „Wachtberg“ w Frechenje začini. Produkcija tam ke kóncej lěta wuběži.