Serbskej firmje wčera na lětušej bursy nawrótnikow wobdźělenej byłoj
Budyšin (CS/SN). Mnozy, kiž su Łužicu wopušćili, přebywaja mjez hodami a nowym lětom na wopyće w starej domiznje. Tójšto tudyšich předewzaćow pyta nuznje fachowcow a nadźija so, zo prawje wjele z nich so rozsudźi, so trajnje zaso nawróćić. Tohodla wuhotuje Budyski wokrjes bursu nawrótnikow „Zaso tu“. Wona wobě stronje hromadu wjedźe a wotmě so wčera prěni raz w Budyskim dwórnišću, we wotnožce krajnoradneho zarjada.
