Róžownik – meja – je měsac kralownow a kralow. To tež lětsa zaso w cyłej Łužicy widźiš. Tradiciju su w někotrych wsach lětsa samo wožiwili. Tak steješe lětsa prěni raz po nimale 20 lětach meja tež zaso w Bukecach. A tež w Zejicach su wjesnjenjo 1. meje tutón symboliski štom stajili. Nimo na wsach pěstuja tule tradiciju dźěći w šulach a pěstowarnjach. To zwuraznja, zo su wobydlerjo kónčiny hordźi na swoje nałožki. K tomu wězo słuša, zo so holcy narodnu drastu zwoblěkaja.
Wjele kralow a kralownow hižo jasnych
Freitag, 17. Mai 2024
224
E-Paper: Serbske Nowiny 95
-
Schriftgröße
Schriftgröße verkleinern
Schrift vergrößern
We Wotrowje rejowaše lětsa wulka ličba porow wokoło meje. Tež na Horach je so dohromady 14 porikow w serbskej narodnej drasće na mejemjetanju wobdźěliło. Dean Milk běše tam zbožowny mejski kral. Jemu je so poradźiło, sej jako najspěšniši jedne ze štyrjoch rubiškow łapnyć, kotrež su na štyrjoch wěncach přičinjene. Za mejsku kralownu je sej Gretu Stoppelec wuzwolił.Lydia Krječmarjec (1), Johann Tesche (2)
Veröffentlicht in
Předźenak
Galerie
Tež w Pěskecach su minjenu njedźelu meju mjetali. Cyłkownje 19 porow w starobje třoch do 23 lět tam pod meju rejowaše. Wšitke holcy běchu w serbskej drasće. Hólcy wubědźowachu so w dwěmaj starobnymaj skupinomaj wo titul mejskeho krala. Mjez mjeńšimi sej mejski kral Janoš Bejmak Mateju Šwejdźic za swoju kralownu wuzwoli. Pola młodostnych bě mejski kral Patrik Mikławšk a kralowna Tereza Rječkec (prědku na foće). Foto: Patrik Šołta
Na mejemjetanju w Chrósćicach je so zašłu sobotu nimo 15 porow młodźiny tež 15 porow dźěći zakładneje šule a sydom porow w předšulskej starobje wobdźěliło. Zhromadnje su so za skupinski wobraz zestupali.
Wjeršk króny Radworskeje meje je sej minjenu njedźelu Stanij Wencl z Měrkowa wuwojował a je sej Elenu Wawrikec z Radworja za mejsku kralownu wuzwolił (naprawo). Zhromadnje z lońšim mejskim porikom staj koło z kuču jěłoj. Foto: Jörg Stephan
Bitte anmelden, um einen Kommentar zu posten
