W zwisku z natwarom wětrnikow na Mułkečanskim wysokim nasypje wojujetaj inwestor a wobsedźer lěsa přećiwo předsudkam

Dwaj kilometraj za Mułkecami, na zapadnym boku Mułkečanskeho wysokeho nasypa, chce předewzaće za zdobywanje zeleneje energije Enercity hač do kónca lěta 2026 w prěnim twarskim wotrězku štyri wulke milinowe wětrniki nastajić. Kóždy wětrnik budźe 250 metrow wysoki a produkuje hodźinsce šěsć megawattow miliny. Jeho wokřidła wjerća so 169 metrow nad zemju.