Towarstwo za wuwiće Hornjołužiskeje hole a hatow ze sydłom w Rakecach je so njedawno znowa nastajiło. Tak su nowe předsydstwo wuzwolili. Gremijej předsydari wotnětka wjesnjanostka Radworskeje gmejny Madeleine Rynčowa­.

Kulow (SN/BŠe). Towarstwo za wuwiće Hornjołužiskeje hole a hatow je swojich sobustawow póndźelu na wólbnu zhromadźiznu přeprosyło. W žurli Kulowskeho dwórnišća zetka so něhdźe 30 čłonow towarstwa. W srjedźišću posedźenja steještej rozprawa wo lońšej dźěławosći kaž tež financna rozprawa. Tohorunja zaběrachu so čłonojo z lětušim financnym planom, kotremuž sobustawojo přihłosowachu.