Serbski supercup 2025: Chróšćenjo dobyli
Minjenu njedźelu bu tradicionalnje w Njebjelčicach Serbski supercup wuhraty. Na mjeztym wosmym turněrje wobdźělichu so koparske mustwa SJ Njebjelčicy, SJ Chrósćicy 1981, ST Marijina hwězda a zakitowar titula ST 1922 Radwor.
Wulosowanje bě patronka turněra Elaine Jenčec (CDU) přewjedła. Wona wulosowa slědowacej połfinali: ST 1922 Radwor – SJ Chrósćicy 1981 a ST Marijina hwězda – SJ Njebjelčicy. Při wysokich temperaturach a najrjeńšim wjedrje přichwata něhdźe 300 přihladowarjow do Njebjelčic. Štyrjo sudnicy Detlef Kral, Pascal Budar, Jan Schindler a Andre Strelow hry nawjedowachu. Prezident SJN Frank Domš bě hosći witał.
Za ST 1922 Radwor běchu zasadźeni: Christoph Šěrak, Jakob Pěčak, Matej Wjeńka, Jakub Wróbl, Stefan Reineke, Julien Glücklich, Claudius Buša, Jonas Bischof, Johannes Wjacławk, Marlon Wencel, Marvin Paška, Leni Schöne, Lukas Pěčak, Ben Grubert, Florian Elsner, Wito Wawrik, Caspar Dźisławk, Luka Krječmar, Corbinian Schäfer, Theo Lauke, Adrian Mička
Dobre statistiki garant za postup njebyli
Wjac hač sto wrotow njeje Njebjelčanam dosahało, zo bychu do wokrjesneje ligi postupili. Koparske mustwo muži sportoweje jednotki Njebjelčicy je hrajnu dobu 2024/25 we wokrjesnej klasy stafla 3 na třećim městnje za Njeswačidłom a mištrom z Wulkich Zdźarow zakónčiło.
W 26 partijach docpěchu koparjo SJN wrotowy poměr 102:30, štož je jedyn z najlěpšich wuslědkow scyła. Při tym su 19 króć dobyli a poćerpichu jenož štyri poražki. Trójce sej dypkaj dźělachu. Tójšto dobyćow a jara wurjadny wrotowy poměr plus 72 pak na kóncu z jasnym zastatkom dwanaće dypkow za mišterstwo njedosahachu. Sportowej jednotce bě mjenujcy sportowe sudnistwo Zapadołužiskeho koparskeho zwjazka w běhu sezony tři dypki wotćahnyło, dokelž Njebjelčenjo trěbnu ličbu sudnikow njespjelnichu.
Nowej wobliči na mustwowym foće
Kaž přeco běchu žurnalisća jednotliwych redakcijow njedawno na fotowy termin do stadiona FC Energije Choćebuz přeprošeni. Na tajkich terminach zhonja rozprawjerjo wo rozsudach, na kotrež přiwisnicy towarstwa hižo žadosćiwje čakaja. Přetož nowi hrajerjo, kotřiž smědźa sobu na mustwowe foto, su takrjec kruće angažowani. To šeftrenar Claus-Dieter Wollitz hišće raz wobkrući, jako foto za hrajnu dobu 2025/26 nasta. Wokoło mjenowaneho termina wšak běchu zastupjerjo medijow nowinsku zdźělenku dóstali, w kotrejž buštej personaliji dokładnje tematizowanej. W njej rěkaše, zo FCE z Leonom Guwaru a Justinom Butlerom za tydźenjej na „dyrdomdej zachowanja klasy“ startuje. W zajimje tutoho, skerje moderatneho cila běštaj Leon Guwara a Justin Butler pola FC Energije zrěčenje podpisałoj. Štó pak w Delnjej Łužicy skerje njeznataj hrajerjej staj?
Wrotar Erik Herrmann zaso pola Budissy
Wyši koparski ligist Budissa Budyšin je wrotarja Erika Herrmanna angažował. 20lětny je zrěčenje na jedne lěto podpisał a wróći so z tym na swoje stare skutkowanišćo. 1,97 m wulki wrotar ma wšě kmanosće, zo móhł na kaž tež zwonka hrajnišća wažnu rólu w teamje přewzać.
Za Budissu je to woprawdźe zbožo a sportowsce jónkrótna składnosć, přetož z Erikom Herrmannom přińdźe hrajer do kadra wyšeho ligista, kotryž je hižo w třećej lize w kadrje Dynama Drježdźany skutkował a w najwyšich hrajnych klasach dorosta nazhonjenja zběrał. Prezident towarstwa Sven Johne měni: „Erik nima jenož jara dobre wukubłanje a sportowu kwalitu, ale wón tež naše towarstwo a wokolinu ze swójskeho nazhonjenja znaje. Po přestawce zranjenja dla chcemy nětko šansu wužiwać a jeho sportowsce a čłowjesce do našeho teama zapřijeć. Wjeselimy so, zo wón tutón krok pola nas dźe.“
Prěnje koparske mustwo SJ Chrósćicy je wčera w Njebjelčicach 8. ...
Widźał,słyšał, napisał (21.07.25)
Awtor dźensa
Beno Šołta
Druhdy dowjedźe će připad k wosebitemu dožiwjenju. Zašły tydźeń běch ze swójbu w Słowakskej w dowolu. Před nosom mějachmy Niske Tatry, wšědnje běchmy wonka, wězo tež na hrajkanišćach. Jónu so dźěsći na jednym tajkim hrajkaštej, a to z domoródnym hólcom. A mój ze žonu bjesadowachmoj. Nadobo wopraša so mje mać hólčeca, zwotkel smy, wšako nimale wšitko rozumi, ale njeje to pólšćina a tež nic čěšćina. „Haj, to je trochu komplikowane“, jej wotmołwich. Smy z Němskeje, ale rěčimy słowjansku rěč. A smy mała mjeńšina w róžku Němska-Čěska-Pólska. „Połobscy Serbja?“, wopraša so jeje muž. „Haj!“, zadźiwany wotmołwich, „Łužiscy Serbja! Zwotkel to znaješ?“
Wurunana bilanca Radworčanow
Dwanaće dobyćow, dwójce njerozsudne a dwanaće poražkow – prěnje koparske mustwo Sportoweho towarstwa 1922 Radwor je w minjenej hrajnej dobje 2024/2025 po 26 hrach wurunanu bilancu docpěło. Jenož wrotowy poměr 44:50 wrotow chileše so do negatiwneho směra, štož móhło tež na tym zaležeć, zo bě so wrotar David Matik w zymskej přestawce zaso do Pančic-Kukowa k Sportowemu towarstwu Marijina hwězda nawróćił.
Sport (18.07.25)
Satkulabičtura w Pančicach
Štwórta stacija bičwolejbuloweje tury Radija Satkula přewjedźe so póndźelu w Pančicach-Kukowje. Dale dźe w Kulowje (28.07.), Konjecach (04.08.) a Chrósćicach (11.08.). Finale přewjedźe so póndźelu, 18. awgusta, w Miłoćicach w Bobkec jěchanskej hali.
Třělenje jědnatkow
Njewšědne koparske wubědźowanje wočakuje jutře daloko přez 100 koparkow a koparjow w delnich Sulšecach. Tam přewjedźe so 11. třělenje jědnatkow na dwoje wulke wrota. Loni je so 32 cyłkow wobdźěliło, telko kaž hišće ženje. Kwartet sudnikow zahwizda turněr w 13 hodź.
Supercup w Njebjelčicach
Wosmy króć wotměje so lětsa Serbski Supercup, wubědźowanje štyrjoch serbskich koparskich towarstwow. Njedźelu, 20. julija, wot 14.30 hodź. wuhraja koparjo turněr w Njebjelčicach. Sokoljo z Ralbic/Hórkow so lětsa njewobdźěla, dokelž běchu loni poslednje městno wobsadźili. Lětsa wobdźěla so cyłki Sportoweje jednotki Chrósćicy, Sportoweho towarstwo Marijina hwězda, Sportoweje jednotki Njebjelčicy a Sportoweho towarstwa 1922 Radwor. Połfinalnej partiji wulosować chcedźa zamołwići wokoło 14 hodź. w Njebjelčicach.
Christopher Theodore zesylni ofensiwu
Łužiske lodohokejowe liški su sej za přichodnu sezonu w DEL2 słužby kanadiskeho nadběhowarja Chrisa Theodore zawěsćili. 27lětny lěwicar přińdźe z francoskeje Ligue Magnus do Běłeje Wody a přinjese mjezynarodne nazhonjenje kaž tež wysoku hrajnu inteligencu sobu do Łužicy. W Beaconsfield rodźeny Kanadźan je 1,73 m wulki a 84 kilogramow ćežki. Wón je znaty za swój dynamiski hrajny stil. Wosebje w rozsudnych wokomikach pokaza so Theodore stajnje prezentny. Tójšto rozsudnych wrotow, tak mjenowa game-winning goals, rěča za sebje. Swoje wukubłanje měješe Theodore w sewjeroameriskej collegelize NCAA. Tam hraješe wón cyłkownje za tři renoměrowane teamy:
W sezonje 2021/22 hraje wón w American International College (AIC). Z 29 dypkami (10 wrotow, 19 asistow) w 35 hrach bu jako lodohokejist lěta w Atlantic Hockey Conference wuzwoleny.
W slědowacej hrajnej dobje zběraše dalše nazhonjenja w Union College a bě znowa kruty wobstatk teama.
Swoje kónčne lěto absolwowaše Theodore 2023/24 pola Catamounts při University of Vermont, hdźež wón ze 14 dypkami w 30 hrach znowa swoju kwalitu dopokaza.
