Doma jenož dypk docpěli, wonka w poslednimaj mjeńšinomaj ...
FSV Budissa Budyšin – Hertha BSC II 1:1 (0:1)
Zestawa domjacych: Schulz – Wockatz, Patka, Hoßmang, Kral, Ciapa (78. Dartsch), Merkel, Krawčik (62. Bönisch), Schlicht, Treu, Kašiar
Za ćežku hru Budissy Budyšin přećiwo mustwu Hertha BSC II měješe trenar Petrik Sander jenož 15 hrajerjow k dispoziciji. Woni pak so cyle porjadnje prezentowachu, štož so 341 přihladowarjam lubješe. Wot wšeho spočatka pak postara so štwórty tabulki wo porjadny ćišć na wrota hosćićela. A tak dóńdźe tež k spěšnemu nawjedowanju přez Anthonyja Roczena (7.). Krótko po tym dyrbješe Berlinski trenar Ante Cović koparja Lukasa Kraefta zranjenja dla hižo wuměnić (11.). We wrotach Budissy so wrotar Christopher Schulz z wjacorymi paradami wuznamjeni, a domjacy pomału wotućichu. Prěnju móžnosć za nich měješe Niclas Treu (22.), ale přećiwniski wrotar ju wotwobara. Krótko po tym bu Jonas Krawčik bu w šěsnatce foulowany, pokutny kop pak třěli Michael Schlicht bohužel na lěwu žerdź (24.). Wulka šansa na wurunanje njebu wužita.
Kopańca, regionalna liga muži1. Kamjeničanski ...
Kopańca, regionalna liga muži
1. Kamjeničanski FC 32 73 : 32 74
2. Berlinski AK 32 62 : 33 67
3. Wacker Nordhausen 32 52 : 35 58
4. Hertha BSC II 32 58 : 39 56
5. Čerwjeno-běli Erfurt 32 54 : 39 51
6. Lok Lipsk 32 48 : 39 47
7. SV Babelsberg 31 50 : 40 43
8. Germania Halberstadt 32 41 : 37 42
9. VfB Auerbach 32 45 : 52 42
10. FC Viktoria Berlin 32 46 : 34 40
14. VSG Altglienicke 32 48 : 55 36
15. Biskopičanske KT 32 28 : 50 33
16. HŁ Neugersdorf 32 33 : 62 31
17. Optik Rathenow 32 33 : 60 27
18. Budissa Budyšin 32 19 : 44 26
W Ćisku dypk žnjeli a w Rychbachu žadyn
SV Haselbachtal – SJ Njebjelčicy 2:0 (0:0)
Zestawa hosći: Hahn – Kral, Hanuza, Hrjehor, Pawlik, Hommel, Korjeńk, Gödig, Čornak (68. Wagner), Lejnart, Domš
W njedźelnej wonkownej hrě w Rychbachu pobrachowaše Njebjelčanskemu trenarjej Handrijej Krawčikej ze wšelakich přičin hnydom pjeć stajnych hrajerjow. Derje bě, zo so Tomy Hommel po dlěšim času cyłkej zaso přidruži. Zo budźe ćežko pola mustwa, kotrež je tójšto hrow za sobu dobyło, wobstać, bě jasne. Tak dyrbješe wrotar Nico Hahn hižo w 7. min. na liniji stejo dwójce bul wotwobarać. Po hratej štwórć hodźinje sadźi Handrij Korjeńk bul wyše Rychbachskeje klětki, dźesać mjeńšin po tym zwrěšći po rjanej kombinaciji ze srjedźneho pola Robert Lejnart na wrotarju domjacych. Tež woni mócnje nadběhowachu, ale do přestawki so Njebjelčanskemu škitej poradźi wšitke strašne akcije znješkódnić.
Najmłódši wolejbulisća SGB z njewočakowanej bronzu
Wolejbulisća 7. lětnika Serbskeho gymnazija Budyšin (SGB) su sej w sakskim finalu wubědźowanja „Młodźina trenuje za olympiju“ w najmłódšej starobnej skupinje IV mjez šěsć startowacymi mustwami w Grimmje bronzu zawěsćili. Turněr dobył je cyłk Sportoweho gymnazija Lipsk.
Hižo 11. raz skwalifikowa so jedne wolejbulowe mustwo Budyskeho Serbskeho gymnazija za krajne finale wubědźowanja „Młodźina trenuje za olympiju“. Do Budyšina wróćichu so dotal z jednej slěbornej a pjeć bronzowymi medaljemi. W Grimmje přidruži so dalša bronza, kotruž njebě něchtó wočakował, dokelž nastupichu štyrjo aktiwni koparjo a jedyn lochkoatlet w finalu najlěpšich šěsć mustwow Sakskeje. Woni dopokazachu, zo zamóža tež wurjadnje wolejbul hrać.
Serbski gymnazij Budyšin – Sportowy gymnazij Lipsk 0:2 (9:25, 5:25)
Krótko do kónca hry hišće wurunali
Wojerowski FC II – SJ Chrósćicy II 5:5 (2:2)
Zestawa hosći: Hejduška – A. Dórnik, H. Zynda, Hojer, Dehn, J. Zynda (85. M. Dórnik), Bětnar, Zahrodnik, Mohaupt, F. Šiman, Liznar
Młode serbske koparki pódla byli
Wuslědki (07.05.19)
Kopańca muži, wokrjesna liga, stafla II
1. ST Marijina hwězda 22 60 : 11 55
2. HZ Łaz/Běły Chołmc 22 63 : 19 50
3. ST Ćisk II 22 41 : 28 41
4. Traktor Malešecy 21 50 : 25 39
5. SV Haselbachtal 22 42 : 28 37
6. HZ Wulke Ždźary 23 33 : 38 34
7. Wojerowski FC II 22 36 : 34 32
8. SJ Njebjelčicy 22 30 : 28 28
9. FSV Łuty 22 37 : 42 27
10. 1896 Wulka Dubrawa 23 37 : 54 27
11. Nadrózna Hrabowka 22 36 : 45 26
12. ST Lubuš 23 28 : 38 26
13. SJ Chrósćicy II 22 29 : 39 21
14. HZ Rakecy II/Šćeńca 23 25 : 56 18
15. ST Mały Wosyk 23 19 : 81 9
Maja zaso škričku nadźije
Sokoł Ralbicy/Hórki – ST 1922 Radwor 1:2 (1:0)
Zestawa domjacych: Schöne – K. Matka (81. Rawš), Šewc, Bjeńš, Materna, Šołta, Gloxyn, M. Matka, Korjeńk, Kurjat (81. Budar), Domaška (46. Bejmak)
Zestawa hosći: Jendrewski – Bauer, Šěrak, Wjacławk, Petschak, Henka, Měrćink, Glücklich, Nuk, Reineke, Schulze (90. Hettasch)
Na próstwu Radworčanow wotmě so serbski koparski derby hižo minjeny pjatk w Ralbičanskim Stadionje přećelstwa. Wšako su wčera w Radworju meju mjetali. Prjed hač pak bu horcy duel zahwizdany, spominaštej mustwje z mjeńšinu ćišiny na hrajerja a sudnika ST Hnašec/Dobruše Hansa Pfeiffera, kiž bě w Bayerskej smjertnje znjezbožił.
Widźał,słyšał, napisał (06.05.19)
Wčera wotmě so wažne wutrajnostnosportowe wubědźowanje w Kamjencu – kćenjowy běh – a to mjeztym 21. raz. Prěnje lěta wubědźowachu so běharjo hišće na Pastwinej horje tam kołowokoło Pastwineje hory, a to w awgusće, hdyž běše zwjetša chětro horco. Mjeztym su sportowcy podawk do města přepołožili, hdźež je atraktiwniši za přihladowarjow. Tež parkowanske móžnosće su za nich a sportowcow wězo lěpše. K tomu přińdźe, zo je mejske wjedro zwjetša wjele přijomniše, štož temperatury nastupa. Wčera bě tomu hinak. Wobstejnosće za běhanje běchu w porjadku, za kolesowanje pak jara zymne. Přiwšěm je runje kombinacija sportoweju družinow tak mjenowany duatlon atraktiwna. W Lessingowym měsće rěkaše to šěsć kilometrow běžeć, 24 kilometrow kolesować a hišće raz dwaj kilometraj běžeć. To sy chětro kedźbować dyrbjał. Při běhanju sy so poćił, při kolesowanju pak je zymny wětřik ćěło jara wochłódnił. A při druhim běhanju sy so zaso poćił. Za mnje je to w našej kónčinje sobu najbóle napinace wubědźowanje lěta.
Skónčnje zaso raz dobyli
SJ Chrósćicy – FC Hornja Łužica Neugersdorf II 2:1 (2:0)
Zestawa domjacych: Králíček – Püschel, F. Cyž, Sentivan, L. Zahrodnik, M. Zahrodnik, G. Zahrodnik (83. Mark), Henzl, Henčl (90. F. Šiman), Runt (90 J. Zynda), Beneš
Koparska rezerwa FC Hornjeje Łužicy z Neugersdorfa bě do Chrósćic na nachwatansku hru přijěła. A domjacy chcychu skónčnje zaso raz dobyć. Spočatk hry pak słušeše cyle jasnje hosćom. Młode mustwo pokaza techniske lěpšiny kaž tež porjadne tempo wot spočatka. Domjacy přińdźechu w 13. min. prěni króć před wrota přećiwnika. Tom Henčl bu jasnje foulowany a dósta jědnatku. Tu móžeše Jakub Beneš k 1:0 do saka sunyć. Jeno tři mjeńšiny pozdźišo třěli Filip Henzl z praweje strony wólny kop, kotryž wrotar najprjedy wotwobara. Feliks Cyž bě na to prěni při bulu a storči jón z pjeć metrow k 2:0 do syće.
