Wuslědki (29.04.24)
Kopańca, wyša liga mužojo
Sandersdorf – Motor Marienberg 4:0 (0:0)
ST 09 Arnstadt – VFC Plauen 0:2 (0:1)
VfB Auerbach – VfL Halle 964:0 (2:0)
Biskopicy 08 – Magdeburg II 1:3 (1:1)
Freital – FC Jednota Rudolstadt 0:2 (0:1)
Halberstadt – Budissa Budyšin 2:0 (2:0)
FC Grimma – VfB 1921 Kśišow 2:0 (1:0)
Wernigerode – Ludwigsfelde 2:1 (1:0)
1. VFC Plauen 25 54 : 13 62
2. Biskopičanske KT 08 25 58 : 26 58
3. Germania Halberstadt 25 59 : 33 50
4. 1. FC Magdeburg II 25 59 : 35 48
5. VfB Auerbach 24 48 : 30 42
6. SG Union Sandersdorf 25 43 : 33 39
7. VfB 1921 Kśišow 25 48 : 40 39
8. SC Freital 25 35 : 37 33
9. FC Jednota Wernigerode 25 48 : 57 31
10. Ludwigsfeldski KK 25 32 : 39 30
11. Budissa Budyšin 25 32 : 39 27
12. FC Grimma 25 28 : 52 25
13. VfL Halle 96 25 37 : 50 24
14. FC Jednota Rudolstadt 25 30 : 50 22
15. Motor Marienberg 24 24 : 76 18
16. ST 09 Arnstadt 25 27 : 52 15
krajna klasa
Drježdźany 1898 – Niska 0:2 (0:1)
Rakečanske ST – Wojerowski FC 3:1 (2:0)
Zschachwitz – Běła Woda 190910:1 (4:0)
Wódrjeńca 02 – BSV 68 Sebnitz 8:0 (3:0)
Radeberg – ST Wesenitzal 4:3 (2:1)
Rotacija Drježdźany – Weixdorf 1:0 (1:0)
SJ Chrósćicy – Drježdźany Strěžin 0:3 (0:3)
1. FV Přezjednota Niska 24 80 : 17 55
2. Drježdźanski SC 1898 24 57 : 30 54
3. FSC Wódrjeńca 02 24 71 : 48 43
4. SZ Drježdźany Strěžin 24 49 : 39 42
5. 1990 Nowosolc-Hrodk 23 43 : 29 36
6. ST Wesenitzal 23 40 : 39 36
7. Radebergerske ST 24 44 : 52 35
8. TSV Rotacija Drježdźany 24 40 : 49 33
9. Póst Germania Budyšin 23 35 : 54 30
10. Rakečanske ST 23 42 : 64 30
11. SG Weixdorf 24 41 : 38 29
12. Módro-běli Zschachwitz 24 54 : 53 27
13. Wojerowski FC 24 43 : 46 27
14. BSV 68 Sebnitz 24 36 : 48 26
15. SJ Chrósćicy 24 24 : 49 21
16. VfB Běła Woda 1909 24 37 : 81 17
wokrjesna liga, stafla 1
W kónčnej fazy sezony 2023/2024 sej koparjo z Rakec krok po kroku z ...
Widźał,słyšał, napisał (29.04.24)
Kónc apryla, spočatk meje so tójšto stawa w sporće. Mustwowe ligi zakónčeja swoje sezony. Putaca běše tónkróć finalna serija wolejbulistkow zwjazkoweje ligi. Tam hraja wuchodoněmske mustwa stajnje sylnu rólu. Za žony Drježdźanskeho SC bě drje w połfinalu play-offs kónc přećiwo faworitej ze Stuttgarta. Finalna serija mjez Stuttgartom a rekordnym mištrom SSC Schwerinom pak běše napjata hač do kónca. Wobě mustwje běštej dwě hrě dobyłoj, a wčera popołdnju rozsudźi pjata hra w Schwerinje. Nažel njemóžachu žołto-módre hrajerki lěpšinu domjaceho publikuma za sebje wužić, w rozsudnych wokomikach běchu šwabscy hosćo tróšku lěpši, a sej z 1:3 swój třeći mišterski titl za sobu zawěsćichu.
Znowa w cuzbje přěhrali
HZ Huska/Hodźij – SJ Chrósćicy II 2:1 (1:0)
Zestawa hosći: Škoda – K. Mark, T. Donat, Rätze, J. Donat, Liznar, Handrik (76. Šiman), Wencel, Matik (65. Dźisławk), B. Donat (76. Klemenc), Kř. Zahrodnik (79. M. Mark)
Rezerwa Chróšćanskeje sportoweje jednotki bě so minjenu sobotu na hru přećiwo susodej tabulki do Hodźija podała. Z dobyćom móhli tamniše hrajne zjednoćenstwo w tabulce přesćahnyć.
Wot spočatka sem wuwi so wurunana hra. Na twjerdym trawniku činještej sej mustwje ćežko sej kontrolowane nadběhi wuhrać. Skerje zašmjatachu so přez wjacore foule na woběmaj stronomaj do chětro robustneje partije. Z tym bě hra wobeju cyłkow přez wysoke bule na wonkownych nadběhowarjow charakterizowana. Tak spytachu domjacy kaž tež hosćo přez spěšnych wonkownych hrajerjow škit přeprěčić a spěšnje k wrotam přińć. Z tutych pospytow pak dołho ničo ličomne njewuskoči.
Sport (26.04.24)
Koparske dypkowe hry
Do Kulowa pojědu jutře Němskopazličenjo a do Połčnicy Ralbičenjo. Dalšu domjacu hru změja njedźelu Chróšćenjo. A tež srjedź tydźenja dyrbja so někotre koparske hry nachwatać.
27.04. 13:00 W. Dubrawa/Radwor II –
SJ Njebjelčicy
27.04. 13:00 ST Lubuš II –
HZ Ralbicy II/Pančicy II
27.04. 14:00 Biskopičanske KT –
1. FC Magdeburg II
27.04. 15:00 Rakečanske ST –
Wojerowski FC
27.04. 15:00 Módro-běli Kulow –
Natwar Němske Pazlicy
27.04. 15:00 TSV Połčnica –
Sokoł Ralbicy/Hórki
27.04. 15:00 HZ Huska/Hodźij –
SJ Chrósćicy II
27.04. 16:00 FC Energija Choćebuz –
Lok Lipsk
28.04. 14:00 ST Marijina hwězda –
ST Wjelećin
28.04. 15:00 ST Radwor –
SG Großnaundorf
28.04. 15:00 SJ Chrósćicy –
SZ Drježdźany Strěžin
30.04. 18:30 SJ Chrósćicy II –
ST Porchow
01.05. 15:00 Wódrjeńca – SJ Chrósćicy
01.05. 15:00 Wojerowski FC II –
Sokoł Ralbicy/Hórki
Kćenjowe běhi a kolesowanje
W Kamjencu přewjedu so njedźelu, 5. meje, zaso Łužiske kćenjowe běhi. Tam změja sćěhowace kategorije. Běhanje: 1 km, 2 km, 6 km, 10 km, 15 km, walking 10 km a inkluziski běh. Kolesowanje: hórski duatlon, 50 km, 80 km a 25 km. Wurisanja započnu so w 10 hodź., kónc budźe wokoło 16 hodź. Přizjewjenske lisćiny su online dale wotewrjene.
Běh po Krakečanskich hórkach
Tójšto podlěšenjow pola Budissy
Kadrowe planowanje pola koparskeho wyšeho ligista FSV Budissy Budyšin je zaběžało.
Max Hübner a Moritz Noack mataj wobaj dwulětne zrěčenje, tak zo stej tutej personaliji dokónčenej. Slědowace podlěšenja su zamołwići hižo wozjewili:
Tom Nathe podpisa dźěłowu papjeru na dwě lěće. Nathe bě w zymje 2022 wot FSV Nowosólca-Hródka do kadra trenarja Stefana Richtera přišoł. Wón přeběža cyły wobłuk dorosta pola Budissy a steji z tym tež za filozofiju towarstwa, swójskich dorostowych hrajerjow w prěnim mustwje muži integrować. W aktualnej sezonje 2023/2024 bu wón dotal 16 razow zasadźeny a měješe 1 306 zasadźenskich mjeńšinow.
Tež Steve Schröder podlěši za dwě lěće hač do kónca 2026. Schröderej poradźi so w lěću 2020 skok wot U19 do tehdyšeho kadra krajneje ligi. Do toho přeběža wón cyły wobłuk dorosta Budissy Budyšin. 21lětny liči mjeztym k stajnym hrajerjam a přewozmje tež zboka hrajnišća zamołwitosć w mustwowej radźe. W aktualnej sezonje bu wón 16 razow zasadźeny a hraješe 1 373 mjeńšinow w pokalu a lize, přidatnje docpě dwoje wrota.
Chróšćenjo tež třeći derby přěhrali
SJ Chrósćicy –
Rakečanske ST 1:4 (1:0)
Zestawa domjacych: Králíček – L. Zahrodnik, F. Cyž, Kreuz, Hawš, Matješk, M. Zahrodnik, G. Zahrodnik, Graf (72. Rätze), Młynk (20. Mark (72. Wencel)), Matik
Njedźelu wotmě so za SJC třeći derby zasobu, jako dojědźechu sej koparjo z Rakec do Chróšćan stadiona.
Domjacy spytachu so znowa najprjedy na nadawki w škiće koncentrować a přez spěšne nadběhi k šansam přińć. Hosćo předewzachu sej hru kontrolować. Tola prěnje wrota padnychu za domjacych. Po přihrawce Oskara Hawša přesadźi so Damian Matik do šěsnatki a suny bul k 1:0 w 13. min. do saka. Hra bě po tym wotewrjena. Jasne šansy pak sej wobaj cyłkaj njewuhraštej. Sudnik měješe tójšto za dźěło, wšako so foule w srjedźnym polu kopjachu. Chróšćenjo sej w běhu prěnjeho połčasa mało dobrych móžnosćow wuhrachu. Na druhej stronje běchu Rakečenjo kónc prěnjeho přechoda ći aktiwniši a so přeco zaso strašnje před wrotami Petra Králíčeka jewjachu. Wrota pak njedocpěchu a tak dźeše ze snadnym předskokom do połčasa.
W derbyju přećiwo susodej štyri króć wyskali
HZ Halštrow/Hlinowc II –
SJ Njebjelčicy 1:4 (0:3)
Zestawa hosći: Hahn – Schulze, Hanuza, F. Domš, Matješk, Korjeńk (65. Wagner), Čornack (75. Šram), Hrjehor, Rudolf, Herrmann, Rachela (28. Lehmann)
Z dobrej naladu zašłych dobyćow dźěchu Njebjelčenjo do hry. Wot wšeho spočatka stłóči SJN přećiwnika do jeho połojcy. Ćišćej njemóžachu hosćićeljo dołho ničo napřemo stajeć. Po derje hratej přihrawce steješe Handrij Korjeńk před wrotarjom a suny kulu do wrotow (5.). Dwanaće mjeńšinow pozdźišo klinkaše znowa w přećiwniskich wrotach. Po flance móžeše sej Syman Rachela bul wuwojować a suny tutón do kašćika. W 23. min. zwyši Ronny Hanuza na 3:0.
Krótko po zahwizdanju bu přećiwnik po róžku powaleny. Na to dóstachu hosćićeljo jědnatku, z kotrejž na 1:3 skrótšichu. W 75. min. móžeše Dennis Wagner tohorunja wyskać. Po překrótko hratej přihrawce hosćićelow móžeše sej bul wudobyć, wobkruži wrotarja a zasuny ke kónčnemu stawej 1:4. To bě pjate dobyće w pjatej hrě druheje połserije.
Dźělenje dypkow zawěsćili
SJ Njebjelčicy –
ST Jednota Kamjenc (0:1) 1:1
Žadyn dobyćer w direktnym duelu
SJ Wołbramecy –
ST Marijina hwězda 1:1 (1:1)
Zestawa hosći: Matik – Ladewig, R. Cyž, Zelnak, Wróbl, Schmidt, Eldor, Ch. Cyž, Kuring, Wünsche (80. Langer), Pakoßnik (68. Clausen)
Lěpje do hry startowachu najprjedy hosćo. Jenož někotre wokomiki po zahwizdanju pruwowaše Jakub Selnak domjaceho wrotarja Patricka Schuba. Tutón pak zamó bul k róžkej wujasnić. Paul Schmidt posłuži swobodnje stejaceho Jakuba Pakoßnika, kotryž z hłowu hrajny objekt na łatu sadźi (2.). Dźesać mjeńšinow pozdźišo potom skónčnje klinkaše. J. Pakoßnik so sylnje na lěwej stronje předrě a bul wyše přećiwniskeho wrotarja čućiwje na hłowu Alija Eldora zběhny. Tón njeměješe wulke ćeže bul z bliskeje distancy w kašćiku zaměstnić. Jenož mjeńšinu pozdźišo prasny Zelnak wólny kop z wysokosće srjedźneje linije do směra wrotow. Třělwu móžeše muž mjez žerdźomaj jenož z wulkej prócu znješkódnić. W 25. min. padny hišće trochu překwapjace wurunanje. Jan Demnitz hnydom štyrjoch defensiwnych hrajerjow Pančičanskeho mustwa dupěrowaše, a trjechi do dołheho lěweho róžka.
Kulowčenjo w Ralbicach zasłužbnje dobyli
Sokoł Ralbicy/Hórki –
Módro-běli Kulow 1:3 (1:1)
Zestawa domjacych: Žur – Woko, Schultz, Heidorn, Rawš (71. Mjechela), D. Gloxyn, Šewc, Rachela (63. Matka), Šołta, Korjeńk, Bejmak (70. An. Wałda)
zestawa hosći: Čórlich – Sauer (77. Hufnagel), Langa, Korch, Kisch (86. Woko), Wehlan (90. Korch), Bulang, Begmann, Nicolaides, Böttger (90. Lorido), Popjela (61. Koplanski)
Koparski duel Ralbicy přećiwo Kulowej je so w minjenych lětach k małemu serbskemu derbyjej wuwił, wšako tón abo tamny Serb za karnewalowe městačko za bulom honi. Serbski trenar Stephan Prucha ze Sulšec je swoje mustwo derje nastajił a chcyše so znajmjeńša z dypkom zaso do Kulowa wróćić. Na kóncu wuskočichu samo tři, wšako jeho chowancy hru wot spočatka hač do kónca postajowachu. W derbyju pokazachu Sokoljo jedyn z najsłabšich wukonow cyłeje sezony, byrnjež trenar Thomas Schultz tójšto hrajerjow k dispoziciji měł.
