Nowa literatura stawa so z wobsahom wučby

Mittwoch, 31. August 2016
Artikel bewerten
(0 Stimmen)
Awtorka Měrka Mětowa je dźensa dopołdnja šulerjam 1. lětnika Radworskeje zakładneje šule ze swojeje noweje knihi čitała. Foto: Milenka Rječcyna Awtorka Měrka Mětowa je dźensa dopołdnja šulerjam 1. lětnika Radworskeje zakładneje šule ze swojeje noweje knihi čitała. Foto: Milenka Rječcyna

Radwor (SN/MiR). Serbscy šulerjo 1. lětnika Radworskeje zakładneje šule „Dr. Marja Grólmusec“ njejsu dźensa dopoł­dnja „kózlika wjazali“. Cyle nawopak, wulce zajimowani słuchachu woni na awtorku Měrku Mětowu, kotraž je jim ze swojeje­ nowostki „Lizka wjaza kózlika“ čitała. Zhromadnje z lektorku za dźěćacu literaturu w Ludowym nakładnistwje Domowina Weroniku Žurowej so wona na zarjadowanje w Radworju wjeseleše. „Hižo dołho njejsmy tam byli. Tuž sym sej kubłanišćo za premjerne čitanje cyle wědomje wuzwoliła“, rozłoži Měrka Mětowa. Na jara čiłe wašnje zbliži wona dźesać šulskim nowačkam swoju protagonistku, předšulske dźěćo Lizku a jeje přiwuznych. „Tema je prezentna. Dźěći maja nawuknyć, zo njesteja stajnje w srjedźišću“, rjekny Weronika Žurowa.

Veröffentlicht in Kubłanje
Bitte anmelden, um einen Kommentar zu posten

Anzeige