Fachowy dźeń 2plus z wjacorymi přednoškami a dźěłarničkami

Budyšin (SN/MiR). Na prěnim fachowym dnju 2plus pod hesłom „Za perspektiwami pytać“ wočakuja zarjadowarjo – sakske ministerstwo za kultus, kotrež projekt financuje, regionalna wotnožka Sakskeje kubłanskeje agentury Budyšin (SBAB) a Rěčny centrum WITAJ – nimo wučerjow/wučerkow a kubłarjow/kubłarkow tež staršich. Zarjadowanje wotměje so 22. oktobra přez cyły dźeń w Chróšćanskej wjacezaměrowej hali „Jednota“. „Orientujemy so samo z wosebitej dźěłarničku na staršich“, wuswětla referent a zamołwity za serbske šulske kubłanišća pola SBAB Bosćij Handrik. „W rěčnej hodźinje wočakuju reflektowanje staršich ke konceptej 2plus. Přeju sej tež namjety, přeća a pokiwy za polěpšenje wuwučowanja. Wšako su starši ći, kotřiž spěšnje zwěsća, hač wuknje jich dźěćo w dobrej kwaliće serbsku a dalše rěče, hač a kak wone serbšćinu w dalšich předmjetach a tež zwonka wuwučowanskeho časa wužiwa a kotre rěčne zamóžnosće sej krok po kroku zdobywa.