Dźěći a młodostni so na wšelakore wašnje z temu „Krabat“ rozestajeli

Budyšin (SN/MiR). Wjace hač 160 wuměłskich dźěłow – rysowanki, teksty, figuriny, sćěnowina, filmy a grafitije – na temu „Krabat“ su do župow Budyšin, Kamjenc a Wojerecy kaž tež do Domowinskeho zarjada dóšli. Wot spočatka šulskeho lěta hač do 20. oktobra mějachu dźěći a młodostni składnosć, so na zhromadnym wubědźowanju Domowiny, Budyskeho Serbskeho muzeja a Rěčneho centruma WITAJ wobdźělić a swoje wudźěłki župam abo zarjadej zapodać.