Wjace hač 8 000 eurow za nowy kompjuterowy kabinet nazběrali

Kulow (AK/SN). Z projektom „C“ ma na Wyšej šuli „Korla Awgust Kocor“ Kulow nowa kompjuterowa rumnosć nastać. Šulerjo, wučerjo a starši su wjele idejow wuwili, zo bychu pjenjezy za swójski podźěl nazběrali. „Mamy tuchwilu 16 kompjuterowych městnow za 280 šulerjow. Kompjutery dźěłaja ze systemom Windows XP. Aktualita a wěstosć stej mjeztym wotběžanej“, rozłožuje nawodnica kubłanišća Ines Lešowa. Zhromadnje z fachowej wučerku za informatiku Kerstin Streit kaž tež ze spěchowanskim towarstwom zakładneje a wyšeje šule je wona projekt „C“ organizowała. Zaměr je, přidatnje k wobstejacej wutworić nowu kompjuterowu rumnosć. Dohromady płaći to 20 000 eurow. Połojcu z toho matej šula a město zwjesć. Tak su za projekt w Kulowje a wokolinje wabili. Na internetnej stronje www.99funken.de wozjewichu aktualny staw nazběranych pjenjez. „Smy 280 staršiskich listow rozesłali. Kóždy šuler je tajki sobu dóstał“, Ines Lešowa rozjasnja. „Dźakować mamy so wšitkim darićelam.