Słownik zestajeć je najnaročniši nadawk w přichodnych sydom lětach

Slepo (SN/MiR). Slepjanšćinu žiwu wobchować je wužadacy nadawk. Do šulskeje wučby na tamnišimaj kubłanišćomaj, na Zakładnej­ a Wyšej šuli „Dr. Marja Grólmusec“ Slepo njeje wona zakótwjena. Wšako wuwučuja tam hornjoserbšćinu. Za to pak prócuja so wjacori akterojo slepjanšćinu dźěćom a młodostnym zwonka wučby zaměrnje posrědkować. Mjez akterami­ stej towarstwje Njepilic dwór a Kólesko, předewšěm pak projektowa koordinatorka župy „Jakub Lorenc-Zalěski“ Juliana Kaulfürstowa, kotrejež dotalne dźěłowe zrěčenje ze župu lětsa wuběži.