Bjez prócy a potu njepřińdźeš k złotu Empfehlung

Mittwoch, 22. März 2017
Artikel bewerten
(1 Stimme)
Kak drje by móhł wšědny dźeń traktorista wupadać, štož je wulki són mnohich hólcow? Tole zhonichu šulerjo Radworskeje Serbskeje zakładneje šule „Dr. Marja Grólmusec“ we wobłuku předmjety zwjazowaceje wučby dźensa na Kamjenjanskim stejnišću Radworskeho agrarneho drustwa.  Foto: SN/Maćij Bulank Kak drje by móhł wšědny dźeń traktorista wupadać, štož je wulki són mnohich hólcow? Tole zhonichu šulerjo Radworskeje Serbskeje zakładneje šule „Dr. Marja Grólmusec“ we wobłuku předmjety zwjazowaceje wučby dźensa na Kamjenjanskim stejnišću Radworskeho agrarneho drustwa. Foto: SN/Maćij Bulank

Radworscy šulerjo so z powołanjemi rozestajeja

Radwor (SN/BŠe). Znate přisłowo „Bjez prócu a potu njepřińdźeš k złotu“ je tónle tydźeń hesło předmjety zwjazowaceje wučby na Radworskej zakładnej šule „Dr. Marja Grólmusec“. „Kóžde šulske lěto wosebitu wučbu přewjedujemy. Lětsa zaběramy so z powołanjemi. Ideju su šulerjo a wučerjo w naprašowanju namjetowali“, rozłožuje nawodnica zakładneje šule Brigita Grundmannowa. W běhu projekta nazhonjeja dźěći wot 1. do 4. lětnika, zo je wažne stajnje pilnje wuknyć, wšako tole za pozdźiše žiwjenje nuznje trjebaja. Runje tak dóstawaja šulerjo dohlad do najwšelakorišich powołanjow, hdźež jim na přikładach rozkładuja, kotre předmjety su za wukubłanje wosebje wažne. Hladajo na powołanje policista stej to na přikład němčina a sport. Dale je předwidźane we wobłuku projekta wšelake zarjadnišća a předewzaća kołowokoło Radworja wopytać.

Veröffentlicht in Kubłanje
Bitte anmelden, um einen Kommentar zu posten

Anzeige