Budyšin (Žu/SN). Wulka napjatosć knježeše sobotu připołdnju w Budyskej Smolerjec kniharni, jako mytowaštej nawodnica jury Manuela Smolina a nawodnica Rěčneho centruma WITAJ dr. Beata Brězanowa najlěpšeju čitarjow serbskich resp. dwurěčnych šulow. Jamila Hórnikec z Budyskeje a Tadej Šołta z Chróšćanskeje zakładneje šule staj dobyćerjej 13. čitanskeho wubědźowanja RCW.