Perspektiwa Budyskeje kubłanskeje agentury njejasna

Drježdźany/Budyšin (SN/MiR). Po nowym šulskim zakonju ma so pod nawo-dom sakskeho kultusoweho ministerstwa zarjad za šule a kubłanje wutworić. Tole wobkrući na naprašowanje SN referentka kultusa Manja Kelch. Jako šulske dohladowanišćo ma zarjad 1. januara 2018 dźěłać započeć. „Wutworić krajny zarjad za šule a kubłanje je zakonjedawar wobzamknył“, piše Kelch. Tuchwilu njehodźi so mjez druhim rjec, hač budu potom sakske regionalne zarjady kubłanskeje agentury (SBA) w dotalnej zestawje dale skutkować. Na wotpowědne dalše prašenje SN wotmołwi referentka kultusa z pokiwom, zo je „přestrukturowanje hišće w přihotowanskej fazy a ma so w dalšich krokach wothłosować“. Dotalne wozjewjenja w medijach pak pokazuja na to, zo nakromnej agenturje w Budyšinje a Zwickauwje wjetšim přirjaduja, Budyska po dotalnych informacijach Drježdźanskej. Budyscy sobudźěłaćerjo agentury pak njemóža so wo perspektiwach wuprajić. Wšako njejsu dotal do přestrukturowanja zapři­jeći.