Kulow (SN/MiR). Přiběraca ličba šulerjow a njedosahace wuměnjenja za zastaranje hortowych dźěći je w Kulowje tomu polěkowało, wutwarić Stare dwórnišćo na hort. Dźensa dopołdnja su w přitomnosći sakskeho ministerskeho prezidenta Stanisława Tilicha (CDU) prěni dźěl wotewrěli. Tón z posměwkom zwurazni, zo je nowe přebywanišćo hortowym dźěćom powabk za rozrost ličby wobydlerjow w Kulowje a wokolinje.